Connect Gujarat
અમદાવાદ 

અમદાવાદ: લોકોમાં મૂંઝવણ; આદેશ કોનો માનવો AMCનો કે પછી CMનો.?

અમદાવાદ: લોકોમાં મૂંઝવણ; આદેશ કોનો માનવો AMCનો કે પછી CMનો.?
X

રાજકોટ, વડોદરા, ગાંધીનગર, ભાવનગર મનપા બાદ હવે અમદાવાદમાં પણ નોનવેજની લારીઓને હટાવવાનો તંત્રએ નિર્ણય લીધો છે. પણ અમદાવાદ મનપાના નિર્ણય બાદ રાજ્યના સીએમ ભુપેન્દ્ર પટેલના નિવેદનથી મૂંઝવણ ઉભી થઇ છે કે, આદેશ કોનો માનવાનો અમદાવાદ મનપાનો કે રાજ્યના સીએમ.!

અમદાવાદ મહાનગરપાલિકા દ્વારા શહેરમાં જાહેર માર્ગો પરથી ઈંડા-નોનવેજની લારીએ હટાવવાનો નિર્ણય લીધો છે. તો સાથે ધાર્મિક સ્થળો અને કોલેજ સ્કુલ કોમ્યુનિટી હોલ પાસે પણ ઇંડા અને નોનવેજ ન વેચી શકાય તેવો નિર્ણય AMCના ટાઉન પ્લાનિંગ કમિટી દ્વારા કરવામાં આવ્યો છે. તો અમદાવાદ મનપાના આ નિર્ણય બાદ મુખ્યમંત્રીએ પોતાની પ્રતિક્રિયા આપી હતી આવો નિર્ણય કેમ લેવાય તેની મૂંઝવણ ચાલી રહી છે આ વચ્ચે આખરે કઈ લારીઓ હટશે તેની પણ મૂંઝવણ વધી છે. મનપા અને સરકારના નિવેદનથી લોકો અને વેપારીઓ મુંઝવણમાં મુકાયા છે. કારણ કે AMC ટાઉન પ્લાનિંગ કમિટી ચેરમેન દેવાંગ દાણીએ કહ્યું કે, નોનવેજ-ઇંડાની લારીઓથી બાળકો અને લોકોને અસર થાય છે, તેથી જાહેર માર્ગો પરની આવી લારી હટાવાશે. તો બીજી તરફ આણંદ ખાતે એક કાર્યક્રમ દરમિયાન આ અંગે મુખ્યમંત્રી ભૂપેન્દ્ર પટેલે કહ્યું કે, 'સરકાર માને છે કે નાગરિકોને જે ખાવું હોય તે ખાઇ શકે છે,' એટલે રાજ્ય સરકાર ટ્રાફિક ને અડચણ રૂપ લારીઓ અંગે વાત કરી હતી છે જ્યારે અમદાવાદ મનપા માત્ર નોનવેજ-ઇંડાની લારી હટાવવા માટે કહી રહી છે. જેને લઇને અન્ય લારીઓના ધંધાર્થીઓ પણ મૂંઝવણમાં મુકાયા છે. ત્યારે કોનું માનવું? તે એક મોટો પ્રશ્ન ઉભો થયો છે.

Next Story
Share it