જેતપુરના ભાદર 2 ડેમના ચેકડેમોમાં જામી બરફીલી ચાદર, પ્રદુષિત પાણી ઠલવાતાં ફીણ થી સર્જાયું દ્રશ્ય

રાજકોટ જિલ્લા ના જેતપુર નું નામ તેના સાડી ઉદ્યોગ સાથે પ્રદુષણ માં પણ પ્રખ્યાત છે, જેતપુર ના પ્રદુષણ ના પાપી ઓ એ નદી નાળા ને પ્રદુષિત કરી મુકયા છે.

બરફીલી ચાદર છવાયેલો આ નજારો પહેલી નજરે લાગે કે કોઈ કશ્મીર કે ઉત્તર ભારતનો હશે. અને રમણીય લાગતો આ નજારો ખરેખર મનુષ્યને નુકશાન પહોંચાડતા કેમિકલ પ્રદૂષણ નો છે અને એ પણ ગુજરાતનાં રાજકોટ જિલ્લાના જેતપુરમાં આવેલ ભાદર 2 ડેમનો. જી હા, વાત છે ભાદર 2ડેમ ની, ભાદર 2 ડેમ ના ઉપરવાસ માં નાના મોટા 8 જેટલા ચેક ડેમો આવેલા છે અને આ ચેક ડેમો જેતપુર ના પ્રદુષણ ના પાપી ઓ એ પ્રદુષિત પાણી થી ભરી દીધા છે.

વરસાદની મહેરબાની થી એક તરફ નીર આવ્યા અને ક્યાંક ખેડૂત અને લોકો માટે ઉલ્લાસ લઈને આવ્યા. ખેડૂતે આસ બાંધી કે હવે આ પાણીથી ખેતી કરી શકશે અને સામાન્ય માણસને પીવા માટે પાણી ઉપલબ્ધ થશે પરંતુ માનવી ની આ ધારણા ખોટી નીવડી અને ફેક્ટરીઓ ચલાવી પૈસા રડતાં કોર્પોરેટ બાબુઓના પાપે પાણી પાણી ના રહ્યું. ફેક્ટરી ધારકોએ કેમિકલ યુક્ત પાણી આ ડેમોમાં વરસાદ શરૂ થતાની સાથે જ છોડી દેવામાં આવ્યા છે.

આ વિસ્તાર માં ચોમાસુ હજુ શરૂ થયું છે ત્યારે આ ચેક ડેમો પાણી થી છલો છલ છે, ત્યારે પ્રશ્ન થાય કે આ પાણી આ ડેમો માં આવ્યું ક્યાંથી, છેલ્લા 2દિવસ માં જ્યારે મેઘરાજા મન મૂકી ને વરસ્યા ત્યારે આ ડેમો માં વરસાદી પાણી આવ્યું અને તે સાથેજ આ પ્રદુષિત પાણી એ પોતાની જાત બતાવી અને સરધારપુર ગામ અને કેરાળી ગામ ના ચેક ડેમો માં કેમિકલ થી બનતા ફીણ ના ગોટે ગોટા હવા માં ઉડવા લાગ્યા, અને પુરે પૂરો ચેક ડેમ આ પ્રદૂષણ ના કેમિકલ વાળા પાણી થી બનેલા ફીણ ના ગોટા થી ભરાય ગયો, જાણે એવું લાગે કે બરફ ની ચાદર પથરાય ગઈ, પરંતુ ના આ તો કેમિકલ નું હદ વટાવી ગયેલ પ્રદુષણ હતું.

આ ગામો ની પ્રદુષણ ની સમસ્યા રોજે રોજ અને વર્ષો થી છે, અને અહીં ના ખેડૂતો કાયમ આ સમસ્યા નો સામનો કરે છે, ક્યારેય પીવા લાયક ના હોય તેવું આ પ્રદુષિત પાણી ને જો પશુ પણ અડકી લે તો ચામડી ઉતરવા સાથે ઘણા કિસ્સા માં મોત ને ભેટે છે, આ તામમ સમસ્યા થી તંત્ર અહીં ભેદી મૌન રાખી ને બેઠું છે.