સુરત : વડોદમાં બાળકી સાથે દુષ્કર્મ બાદ હત્યા કરનારો "હેવાન" ઝડપાયો, સીસીટીવીથી ઉકેલાયો ભેદ
ગાંધીનગર બાદ સુરતમાં પણ હેવાનિયતનો કિસ્સો સામે આવ્યો છે. દિવાળીની રાત્રિએ બાળકીનું અપહરણ કરી અવાવારૂ જગ્યાએ દુષ્કર્મ
ગાંધીનગર બાદ સુરતમાં પણ હેવાનિયતનો કિસ્સો સામે આવ્યો છે. દિવાળીની રાત્રિએ બાળકીનું અપહરણ કરી અવાવારૂ જગ્યાએ દુષ્કર્મ કર્યા બાદ તેની હત્યા કરનાર હેવાન પોલીસ સકંજામાં આવી ગયો છે..
સુરતમાં પાંડેસરાના વડોદ ગામમાંથી દિવાળીની રાત્રે અઢી વર્ષની બાળકી ગુમ થવાના પ્રકરણમાં પોલીસે આરોપીને દબોચી લીધો છે. દારૂના નશામાં આરોપીએ બાળકીનું અપહરણ કરી તેની સાથે દુષ્કર્મ કર્યું હતું અને બાદમાં તેની હત્યા કરી નાંખી હોવાનું સામે આવ્યું છે. દિવાળીની રાત્રે જ અઢી વર્ષની બાળકી ઘરઆંગણેથી જ ગુમ થવાને લઈને પોલીસ દોડતી થઈ હતી. 100થી વધુ પોલીસ જવાનો છેલ્લા બે દિવસથી શોધખોળ કરી રહ્યા હતા. આખરે વડોદ ગામમાં ઝાડીમાંથી બાળકીનો મૃતદેહ મળી આવ્યો હતો. પોલીસે આ વિસ્તારમાં લાગેલા સીસીટીવી ફુટેજ તપાસ્યાં હતાં જેમાં એક વ્યકતિ બાળકીને ઉપાડીને જતો દેખાયો હતો. પોલીસે સાત જેટલા શકમંદોની ઓળખ કરી હતી જેમાંથી એક શકમંદે ગુનાની કબુલાત કરી છે. આરોપી મુળ મધ્યપ્રદેશનો વતની છે અને વડોદ ગામમાં રહેતો હતો. આરોપીએ દારૂના નશામાં બાળકી સાથે દુષ્કર્મ કર્યું હોવાની વિગતો સપાટી પર આવી છે.