અંકલેશ્વર : રાજપીપળા રોડની ગિરનાર સોસાયટીમાંથી ઝડપાયેલ શંકાસ્પદ ભંગારના જથ્થા મામલે વધુ 3 શખ્સોની અટકાયત...

અંકલેશ્વર જીઆઈડીસી પોલીસે બાતમીના આધારે અંકલેશ્વર-રાજપીપળા રોડ ઉપર આવેલ ગિરનાર સોસાયટીની 2 દુકાનોમાં દરોડા પાડ્યા હતા

author-image
By Connect Gujarat in ભરૂચ સમાચાર
New Update
અંકલેશ્વર : રાજપીપળા રોડની ગિરનાર સોસાયટીમાંથી ઝડપાયેલ શંકાસ્પદ ભંગારના જથ્થા મામલે વધુ 3 શખ્સોની અટકાયત...

ભરૂચ જિલ્લાના અંકલેશ્વર-રાજપીપળા રોડ ઉપર આવેલ ગિરનાર સોસાયટીની 2 દુકાનોમાંથી ઝડપાયેલ શંકાસ્પદ ભંગારના મામલામાં વધુ 3 આરોપીઓની પોલીસે અટકાયત કરી છે. મળતી માહિતી અનુસાર, ગત તા. 2જી ડિસેમ્બરના રોજ અંકલેશ્વર જીઆઈડીસી પોલીસે બાતમીના આધારે અંકલેશ્વર-રાજપીપળા રોડ ઉપર આવેલ ગિરનાર સોસાયટીની 2 દુકાનોમાં દરોડા પાડ્યા હતા, જ્યાં પોલીસે સ્થળ પરથી જૂની એસ.એસ.ની સાપ્ટીંગ, લોખંડના ચક્કર, એસ.એસ. કપ્લર અને અન્ય કીમતી ધાતુઓ મળી રૂ. 1 લાખનો મુદ્દામાલ કબ્જે કરી અગાઉ 2 ઇસમોને ઝડપી પાડ્યા હતા. જોકે, તે દરમિયાન આ શંકાસ્પદ ભંગારના મામલામાં પોલીસે વધુ 3 આરોપીઓની અટકાયત કરી સઘન પૂછપરછ હાથ ધરી છે.

#Bharuch Police #Bharuch Samachar #Ankleshwar #suspected scrap #Ankleshwar News #Ankleshwar GIDC Police #AnkleshwarPolice #GujaratConnect #gujarat samachar #ભંગાર #bharuchnews
Related Articles
Read the Next Article

ભરૂચ : નંદેલાવ બ્રિજ નીચે કેમિકલ ભરેલું કન્ટેનર પિલર સાથે ધડાકાભેર અથડાતા મંગલદીપ સોસાયટીની દિવાલ તૂટી

ભરૂચની મઢુલી ચોકડી નજીક કેમિકલ ભરેલ કન્ટેનરના ચાલકે નવા બ્રિજના પિલરને ટક્કર મારી હતી. ત્યારબાદ કન્ટેનર મંગલદીપ સોસાયટીની કમ્પાઉન્ડ વોલ સાથે અથડાતા અફરાતફરી મચી હતી

author-image
By Connect Gujarat Desk in ભરૂચ સમાચાર
New Update

  • નંદેલાવ બ્રિજ પાસે સર્જાયો અકસ્માત

  • બેલગામ કન્ટેનર બ્રિજના પિલરમાં ભટકાયું

  • પિલર બાદ મંગલદીપ સોસાયટીમાં પણ અથડાયું

  • સોસાયટીના મંદિરની દીવાલ તૂટતા નુકસાન

  • જાનહાની ટળતા લોકોએ લીધો રાહતનો શ્વાસ

ભરૂચની મઢુલી ચોકડી નજીક કેમિકલ ભરેલ કન્ટેનરના ચાલકે નવા બ્રિજના પિલરને ટક્કર મારી હતી. ત્યારબાદ કન્ટેનર મંગલદીપ સોસાયટીની કમ્પાઉન્ડ વોલ સાથે અથડાતા અફરાતફરી મચી હતી.
 
ભરૂચ દહેજ બાયપાસ માર્ગ પર નંદેલાવ પાસે નવા બ્રિજ નીચે ગુરુવારે એક ગંભીર અકસ્માત થયો હતો. હજીરા અદાણીથી કેમિકલ ભરેલું કન્ટેનર દહેજ સ્થિત મેઘમણી કંપનીમાં જઈ રહ્યું હતું. એ દરમિયાન કન્ટેનર ચાલકનો સ્ટિયરિંગ પર નિયંત્રણ ખોરવાતા કન્ટેનર સીધું નવા પિલરને અથડાઈને સીધુ મંગલદીપ સોસાયટીની મંદિરે જોડાયેલી કમ્પાઉન્ડ વોલમાં ટકરાયું હતું.

આ અકસ્માતમાં બ્રિજના પિલર સાથે સાથે મંદિરની દિવાલને પણ ગંભીર નુકસાન થયું હતું. જોકે, ઘટના દરમિયાન કોઈપણ જાતની જાનહાની ન પહોંચતા લોકોએ રાહતનો શ્વાસ લીધો હતો. કન્ટેનરનો ચાલક દ્વારા કન્ટેનરને બેલગામ દોડાવવામાં આવી રહ્યું હતું.ઘટનાના પગલે સ્થળ પર તાત્કાલિક ફાયર વિભાગ તથા પોલીસ દોડી આવી હતી. ભારે વજનના કેમિકલ ભરેલા કન્ટેનરને સ્થળ પરથી દૂર કરવા ત્રણ હાઇડ્રાની મદદ લેવાઈ હતી. લાંબા સમય બાદ માર્ગ પર સર્જાયેલો ટ્રાફિક પુનઃ રાબેતા મુજબ થયો હતો.મંગલદીપ સોસાયટીના પ્રમુખ જીતુ  પ્રજાપતિએ જણાવ્યું હતું કે,કન્ટેનર અમારા મંદિરની દીવાલ તોડી ઘૂસી ગયું હતું. સદનસીબે કોઈ વ્યક્તિ ત્યાં નહોતી. પરંતુ આવી ઘટનાઓથી ભવિષ્યમાં વધુ ગંભીર પરિસ્થિતિ ઉભી ન થાય એ માટે પગલાં લેવા જરૂરી છે.
#wall #accident #CGNews #container #chemical #Nandelav bridge #Bharuch