ઓપન સ્કૂલ પરીક્ષાની નોંધણી પ્રક્રિયા શરૂ, આટલી ફી ચૂકવવી પડશે
નેશનલ ઇન્સ્ટિટ્યૂટ ઑફ ઓપન સ્કૂલિંગ (NIOS) એ એપ્રિલ/મે 2022 સત્ર માટે ધોરણ 10 અને ધોરણ 12ની પરીક્ષાઓ માટે નોંધણી શરૂ કરી દીધી છે.
નેશનલ ઇન્સ્ટિટ્યૂટ ઑફ ઓપન સ્કૂલિંગ (NIOS) એ એપ્રિલ/મે 2022 સત્ર માટે ધોરણ 10 અને ધોરણ 12ની પરીક્ષાઓ માટે નોંધણી શરૂ કરી દીધી છે. અગાઉની પરીક્ષાના નાપાસ થયેલા ઉમેદવારો અને નવા વિદ્યાર્થીઓ 31 જાન્યુઆરી સુધી પરીક્ષા માટે નોંધણી કરાવી શકે છે. જે ઉમેદવારોએ રજીસ્ટ્રેશન કર્યું હતું અથવા ઓક્ટોબર/નવેમ્બરની પરીક્ષામાં ભાગ લીધો હતો તેઓ 16 થી 31 જાન્યુઆરી દરમિયાન સત્તાવાર વેબસાઇટ sdmis.nios.ac.in પર પરીક્ષા માટે અરજી કરી શકે છે.
પરીક્ષા ફી થીયરી પેપર માટે વિષય દીઠ રૂ. 250 અને પ્રેક્ટિકલ પરીક્ષા માટે વિષય દીઠ રૂ. 120 છે. અરજી ફી સાથે 50 રૂપિયાનો વધારાનો પ્રોસેસિંગ ચાર્જ પણ વસૂલવામાં આવશે. તમામ વિદ્યાર્થીઓ 20 ફેબ્રુઆરી સુધી રજીસ્ટ્રેશન ફોર્મ સબમિટ કરી શકશે. જો કે 01 થી 10 ફેબ્રુઆરી વચ્ચે રજીસ્ટ્રેશન કરાવવા માટે વિષય દીઠ રૂ. 100 લેટ ફી ચૂકવવાની રહેશે અને 10 થી 20 ફેબ્રુઆરી દરમિયાન અરજી કરનારે રૂ. 1500 ની એકીકૃત ફી ચૂકવવાની રહેશે. રજીસ્ટ્રેશન કરવાની સંપૂર્ણ રીત વેબસાઇટ પર દર્શાવેલ છે. ઉમેદવારો માટે પરીક્ષા નોંધણીની સંપૂર્ણ વિગતો આપતો ફ્લોચાર્ટ પીડીએફ ફાઇલમાં હોમપેજ પર બહાર પાડવામાં આવ્યો છે. અરજીપત્રકને 4 વિભાગોમાં વહેંચવામાં આવેલ છે અને તમામ વિભાગો ભર્યા પછી જ નોંધણી પૂર્ણ થશે. ઉમેદવારોએ જારી કરેલ માર્ગદર્શિકા તપાસવી જોઈએ અને છેલ્લી તારીખ પહેલા તેમનું રજીસ્ટ્રેશન પૂર્ણ કરવું જોઈએ. વેબસાઇટ પર જવા માટે અહીં ક્લિક કરો