પેટ પકડીને હસાવનાર કોમેડિયન સુનીલ ગ્રોવરની નાની ઉમરમાં થઈ હાર્ટ સર્જરી

'ગુથ્થી' અને 'ડૉ. 'મહુર ગુલાટી'નું પાત્ર ભજવીને દર્શકોના દિલમાં જગ્યા બનાવનાર પ્રખ્યાત અભિનેતા અને કોમેડિયન 'સુનીલ ગ્રોવર'ની તબિયતને લઈને મુંબઈથી એક મોટા સમાચાર સામે આવી રહ્યા છે. સુનિલની મુંબઈની એશિયન હાર્ટ ઈન્સ્ટિટ્યૂટમાં હૃદયની સર્જરી થઈ છે.

સુનીલ ગ્રોવરના હાર્ટમાં બ્લોકેજ હતું અને તેના કારણે તેણે સર્જરી કરાવવી પડી હતી, પરંતુ શૂટિંગને કારણે સર્જરીમાં વિલંબ થયો હતો. વિરલ ભાયાણીએ તેના ઓફિશિયલ ઈન્સ્ટાગ્રામ હેન્ડલ પર સુનીલની તસવીર પોસ્ટ કરીને આ વાતની પુષ્ટિ કરી છે. તસવીર શેર કરતાં તેણે લખ્યું, "એક્ટર સુનીલ ગ્રોવરની મુંબઈની એશિયન હોસ્પિટલમાં હાર્ટ સર્જરી થઈ છે. તે હવે સ્વસ્થ થઈ રહ્યો છે. સુનીલના ડૉક્ટરોનું કહેવું છે કે તે હવે ખતરાની બહાર છે

અને તેની સ્થિતિમાં પણ ઘણો સુધારો છે. સુનીલ માટે પ્રાર્થના કરતા રહો." થોડા દિવસો પહેલા જ સુનીલે તેના ઈન્સ્ટાગ્રામ એકાઉન્ટ પર 'ઈન્ફ્લુઅન્સર્સ' પર એક ફની પોસ્ટ શેર કરી હતી. હાસ્ય કલાકારો ઘણીવાર તેમની રમુજી પોસ્ટ્સ દ્વારા પ્રેક્ષકોનું મનોરંજન કરે છે. તે શિમલાની બરફીલા પહાડીઓમાં એક વેબ સિરીઝનું શૂટિંગ પણ કરી રહ્યો હતો, તેની કેટલીક તસવીરો પણ અભિનેતાએ શેર કરી હતી. સુનીલ ગ્રોવર એમેઝોન પ્રાઇમની વેબ સીરીઝ તાંડવમાં જોવા મળ્યો હતો. આ સિવાય સુનીલ ગ્રોવરને સનફ્લાવર નામની વેબ સિરીઝમાં અભિનય માટે ફિલ્મફેર એવોર્ડથી પણ સન્માનિત કરવામાં આવ્યા છે.