ભરૂચ: ભોલાવ ST ડેપોના વર્કશોપમાં ટાયરના ગોડાઉનમાં ભીષણ આગ, 175 નવા ટાયર બળીને ખાક !

ભરૂચના ભોલાવ વિસ્તારમાં આવેલ એસ.ટી. ડેપોના વર્કશોપમાં ભીષણ આગ ફાટી નિકળતા દોડધામ મચી જવા પામી હતી. 4 જેટલા ફાયર ફાઈટરોએ ભારે જેહમત બાદ આગ પર કાબૂ મેળવ્યો હતો.

New Update
  • ભરૂચમાં સામે આવ્યો આગનો બનાવ

  • ભોલાવ એસ.ટી.બસ ડેપોમાં આગ

  • વર્કશોપમાં ટાયરના ગોડાઉનમાં આગ

  • 175 જેટલા ટાયર બળીને ખાક

  • ફાયર વિભાગે આગ પર કાબુ મેળવ્યો

ભરૂચના ભોલાવ વિસ્તારમાં આવેલ એસ.ટી. ડેપોના વર્કશોપમાં ભીષણ આગ ફાટી નિકળતા દોડધામ મચી જવા પામી હતી. 4 જેટલા ફાયર ફાઈટરોએ ભારે જેહમત બાદ આગ પર કાબૂ મેળવ્યો હતો.
ભરૂચ જિલ્લામાં આગ લાગવાનો સિલસિલો યથાવત રહ્યો છે દહેજની કેમિકલ કંપનીમાં આગ ફાટી નીકળ્યા બાદ ભરૂચ શહેરના ભોલાવ વિસ્તારમાં આવેલ એસ.ટી. ડેપોમાં પણ આગનો બનાવ સામે આવ્યો હતો. એસ.ટી. ડેપોમાં આવેલા વર્કશોપમાં આગ ફાટી નીકળી હતી વર્કશોપમાં ટાયરનો મોટો જથ્થો હોવાના કારણે  જોતજોતામાં આગે વિકરાળ સ્વરૂપ ધારણ કર્યું હતું. જેના પગલે ધુમાડાના ગોટેગોટા દૂર દૂર સુધી નજરે પડ્યા હતા. સમય સુચકતા વાપરી કર્મચારીઓ સુરક્ષિત સ્થળે ખસી ગયા હતા.આ અંગેની જાણ કરવામાં આવતા જ ભરૂચ નગર સેવાસદનના 4 ફાયર ફાઈટરોએ ઘટના સ્થળે પહોંચી પાણીનો મારો ચલાવી આગ પર કાબુ મેળવ્યો હતો.
ગોડાઉનમાં વેન્ટીલેશનના અભાવે ફાયર ફાયટરોએ દીવાલ તોડી આગ પર કાબુ મેળવવા કામગીરી કરી હતી.આ બનાવમાં કોઈ જાનહાનિ થઈ ન હતી. ગોડાઉનમાં 175 જેટલા નવા ટાયરોનો જથ્થો સ્ટોર કરવામાં આવ્યો હતો જે બળીને ખાક થઈ જતા એસટી વિભાગ દ્વારા પણ તપાસ શરૂ કરવામાં આવી છે
Read the Next Article

અંકલેશ્વર: હાંસોટ પંથકમાં નવા વર્ષે કમોસમી વરસાદ, ખેડૂતોએ રસ્તા પર સુકવેલ ડાંગર પલળી ગયુ !

ભરૂચના હાંસોટ તાલુકાના જુના ઓભા સહિતના અનેક ગામોમાં બુધવારે બપોર બાદ કમોસમી વરસાદ વરસતા ખેડૂતોને ભારે નુકસાન વેઠવું પડ્યું છે.

New Update
Screenshot_2025-10-22-15-57-15-21_92460851df6f172a4592fca41cc2d2e6
ભરૂચના હાંસોટ તાલુકાના જુના ઓભા સહિતના અનેક ગામોમાં બુધવારે બપોર બાદ કમોસમી વરસાદ વરસતા ખેડૂતોને ભારે નુકસાન વેઠવું પડ્યું છે.અચાનક પડેલા આ વરસાદથી રસ્તાઓ પર સૂકવવા મુકાયેલ ડાંગર પલળી જવાથી ખેડૂતોમાં દોડધામ મચી જવા પામી હતી.
Advertisment
1/38

ખેડૂતોએ રસ્તા પર સુકવેલ ડાંગર પલળી ગયુ 

પાછલા દિવસોના વરસાદના કારણે ખેતરો પૂરતા સુકાયા ન હોવાથી ખેડૂતોએ ડાંગર રસ્તા પર સૂકવવા માટે મૂકી દીધું હતું પરંતુ અચાનક પડેલા વરસાદથી તે ડાંગર ભીનું થઈ ગયું, જેના કારણે ખેડૂતોમાં ચિંતાનું મોજું ફરી વળ્યું હતું. વરસાદ શરૂ થતાં જ ખેડૂતો પોતાના પાકને બચાવવા દોડધામમાં લાગી ગયા હતા. ખેડૂતોએ જણાવ્યું હતું કે પાછોતરા વરસાદ બાદ હવામાન ખુલ્લું રહે તેમ લાગતું હતું, પરંતુ અચાનક પડેલા આ કમોસમી વરસાદે આખી મહેનત પર પાણી ફેરવી દીધું છે.