અંકલેશ્વર પબ્લિક સ્કૂલમાં મહિલા દિવસની ઉજવણી કરવામાં આવી, સાંસ્કૃતિક કાર્યક્રમનું કરાયું આયોજન

અંકલેશ્વર પબ્લિક સ્કૂલમાં આંતરરાષ્ટ્રીય મહિલા દિવસની ઉજવણી કરવામાં આવી હતી,આ પ્રસંગે શિક્ષકો દ્વારા સાંસ્કૃતિક કાર્યક્રમનું પણ આયોજન કરવામાં આવ્યું હતું.

અંકલેશ્વર પબ્લિક સ્કૂલમાં આંતરરાષ્ટ્રીય મહિલા દિવસની ઉજવણી કરવામાં આવી હતી.જેમાં મુખ્ય મહેમાન તરીકે ડો.તનવીર શેખ,અતિથી વિશેષ તરીકે  પ્રોફેસર હસમુખ પટેલ,ટ્રસ્ટના પ્રમુખ નાઝુ ફડવાલા, પ્રાયમરી અને સેકન્ડરીના આચાર્ય કવિતા કાલગુડે અને  પ્રી પ્રાયમરી અને પ્રાયમરીના આચાર્ય શ્રદ્ધા પટેલ તથા અન્ય  ટ્રસ્ટીગણ,સ્કુલના શિક્ષકોની ઉપસ્થિતિમાં મહિલા દિવસનો કાર્યક્રમ યોજવામાં આવ્યો હતો. ડો.તનવીર  શેખે પોતાના વક્તવ્યમાં કહ્યું કે દરેક મહિલા પોતે પ્રતિભાવાન જ હોય છે,પરંતુ એને એની અંદર છુપાયેલી પ્રતિભાની શક્તિ ની ખબર નથી હોતી. સ્ત્રીઓએ પોતે જ પોતાની અંદરની શક્તિને ઓળખવી પડે અને સમાજમાં યોગદાન આપવા માટે આગળ આવવું પડશે.

પ્રોફેસર હસમુખ પટેલે  હવે મહિલા કોઈ પણ ક્ષેત્રમાં પાછળ નથી મહિલા ધારે તો ઘણું બધું પોતાના માટે પરિવાર માટે અને સમાજ માટે યોગદાન આપી શકે છે અને મહિલાઓએ એ જ બાબતે આગળ આવવાની જરૂર છે. સ્કૂલના પ્રમુખ નાઝુ ફડવાલા જણાવ્યું કે આજના સમયમાં મહિલાઓ દેશના વિકાસમાં પુરુષોની સાથે બરાબર યોગદાન આપી રહી છે.માં બની ને હોય,દીકરી બનીને હોય કે પત્ની બનીને સામાજિક મુશ્કેલીઓને પાર કરીને ખૂબ જ ઝડપથી આગળ વધી રહી છે. હું આજના દિવસે આંતરરાષ્ટ્રીય મહિલા દિવસ એમને ખુબ ખુબ શુભેચ્છા પાઠવું છું.

આજના આ મહિલા દિવસની ઉજવણીમાં શિક્ષકો દ્વારા મહિલા દિવસની થીમ પર સાંસ્કૃતિક કાર્યક્રમોનું પણ આયોજન કરવામાં આવ્યું હતું.સ્કુલ દ્વારા મિહલા દિવસના ભાગરુપે શિક્ષકોનું અને એકટીવ વિદ્યાર્થીઓનું સન્માન પણ કરવામાં આવ્યું હતું.કાર્યક્રમના અંતમાં સ્વાગત પ્રવચન શિક્ષિકા સાલેહા શેખ  દ્વારા અને આભારવિધિ શિક્ષિકા નિમિષા પટેલ દ્વારા કરવામાં આવી હતી.