વલસાડ: વાપીમાં રિક્ટર થેમિસ કંપનીના રિસર્ચ સેન્ટરમાં આગથી નાસભાગ મચી

• વાપી જીઆઈડીસીની કંપનીમાં લાગી આગ

• રિકટર થેમિસ કંપનીના રિસર્ચ સેન્ટરમાં લાગી આગ

• કંપનીમાં લાગેલી આગથી નાસભાગ મચી 

• કંપનીના ત્રણ કામદારો આગમાં થયા ઘાયલ 

• ફાયર બ્રિગેડ દ્વારા આગ પર કાબુ મેળવવાના કરાયા પ્રયાસ

વલસાડ જિલ્લાના વાપી ખાતે આવેલ રિકટર થેમિસ કંપનીના રિસર્ચ સેન્ટરમાં આગ લાગતા નાસભાગ મચી ગઈ હતી.અને ત્રણ કામદારો ઘાયલ થયા હોવાનું જાણવા મળ્યું હતું.

વલસાડ જિલ્લાના વાપી જીઆઇડીસીના જે ટાઈપ વિસ્તારમાં આવેલ રિક્ટર થેમિસ કંપનીના રિસર્ચ સેન્ટરમાં આગ લાગવાની ઘટના બનવા પામી હતી.ઘટનાને પગલે વિસ્તારમાં દોડધામ મચી ગઈ હતી.સમગ્ર મામલે આગ વધુ પ્રસરતા ફાયર વિભાગને જાણ કરવામાં આવી હતી.અને ઘટના સ્થળ પર ફાયર બ્રિગેડના લાશ્કરો 4 જેટલા ફાયર ટેન્ડરો સાથે પહોંચીને આગને કાબુમાં લેવાના પ્રયાસો હાથ ધર્યા હતા.

ઘટનાની ગંભીરતા પારખીને જિલ્લા પોલીસ અધિક્ષક સહિતનો પોલીસનો કાફલો અને ઉચ્ચ અધિકારીઓ ઘટના સ્થળ પર પહોંચ્યા હતા. મામલતદાર વાપી દ્વારા પણ કંપની પર પહોંચીને નિરીક્ષણ કર્યું હતું.ઘટનામાં ત્રણ લોકો ઘાયલ થયા હતા.અને સારવાર અર્થે ખાનગી હોસ્પિટલમાં ખસેડવામાં આવ્યા હતા. ફાયર વિભાગ દ્વારા આગ પર કાબૂ મેળવવાના પ્રયાસો હાથ ધરવામાં આવ્યા હતા.