શિયાળાની ઋતુની શરૂઆત થઈ છે અને શિયાળામાં સવારનું વાતાવરણ ખુસનુંમાં હોય છે. તેટલી જ વધુ સ્વાસ્થ્ય સંબંધિત સમસ્યાઓ હોય છે. આ સિઝનમાં રોગપ્રતિકારક શક્તિ નબળી પડી જાય છે અને શરદીને કારણે શરદી-ખાંસી, વાયરલ, ફ્લૂ જેવી અનેક બીમારીઓ ખૂબ જ પરેશાન કરે છે. થોડો ઠંડો પવન ફૂંકાતાની સાથે જ નાક બંધ થવા લાગે છે અને ગાળામાં દુખાવો થતો હોય આવા હવામાનમાં દવાઓ વડે તમે કેટલા દિવસ તમારા સ્વાસ્થ્યને સ્વસ્થ રાખશો? જો તમે શિયાળાની ઋતુમાં તમારી જાતને મોસમી રોગોથી સુરક્ષિત રાખવા માંગતા હોવ તો આહારમાં એવી વસ્તુઓનો સમાવેશ કરો કે જે તમારી રોગપ્રતિકારક શક્તિને મજબૂત કરશે, સાથે જ રોગોનો ઈલાજ પણ કરશે. મોટાભાગના લોકો શિયાળામાં આદુવાળી ચા પીવાનું વધુ પસંદ કરતાં હોય છે, પરંતુ આદુવાળા દૂધના ફાયદા ઓછા લોકો જાણે છે.
શિયાળાના રોગો માટે આદુનું દૂધ એક શ્રેષ્ઠ ઉપાય છે. આદુ શરીરને ગરમી આપે છે, સાથે જ શરદી-ખાંસી અને વાયરસ સામે રક્ષણ આપે છે. બળતરા વિરોધી અને એન્ટીબેક્ટેરિયલ ગુણોથી ભરપૂર આદુનું દૂધ શરીરને વધારે ફાયદા પહોંચાડે છે. તો ચાલો જાણીએ કે આદુનું દૂધ શરીર માટે કેવી રીતે ફાયદાકારક છે.
દૂધમાં આદુ મિક્સ કરીને પીવાથી રોગપ્રતિકારક શક્તિ મજબૂત થાય છે. આદુવાળા દૂધનું નિયમિત પીવાથી શરદી, ઉધરસ, વાયરલ જેવી બીમારીઓ જલ્દી મટે છે. આદુ હાનિકારક બેક્ટેરિયાને મારવામાં ખૂબ જ અસરકારક છે.
1. આદું શરદી,ગળાના દુખાવામાં આપે છે રાહત :-
આદુનું સેવન કરવાથી કફ, અને ગાળામાં થયેલ ઇન્ફેકશનને મટાડે છે. આદુંના સેવનથી ગળામાં ખરાશ, ગળામાં ઈન્ફેક્શન અને કફની સમસ્યા દૂર થાય છે.
2. કબજિયાત માટે શ્રેષ્ઠ ઉપચાર :-
શિયાળામાં પેટની સમસ્યા ખૂબ જ પરેશાન કરે છે. આ ઋતુમાં કબજિયાત, પેટનો દુખાવો, એસિડિટીથી છુટકારો મેળવવા માટે આદુના દૂધનું સેવન કરો. આદુમાં ભરપૂર માત્રામાં ફાઈબર હોય છે જે પાચનમાં મદદ કરે છે.
3. આદુનું દૂધ હાડકાંને બનાવે છે મજબૂત :-
આદુના દૂધમાંથી શરીરને કેલ્શિયમ અને પોટેશિયમ મળે છે, જે હાડકાંને મજબૂત બનાવે છે. આદુમાં બળતરા વિરોધી ગુણધર્મો છે, જે હાડકાં અને સંધિવાની બળતરાની સારવાર કરે છે.
4. પેટના દુખાવામાં રાહત :-
આદુમાં એન્ટીબેક્ટેરિયલ અને એન્ટીફંગલ ગુણ હોય છે, જે પેટની સમસ્યાઓનો ઈલાજ કરે છે. ગળાની સમસ્યામાં આદુનું દૂધ ખૂબ જ અસરકારક છે.