ભારતમાં આંતરરાષ્ટ્રીય મુસાફરો માટે 7 દિવસ હોમ ક્વોરન્ટાઈન, RT-PCR ટેસ્ટ ફરજીયાત

દેશમાં કોવિડ-19ના કેસોમાં થયેલા વધારા વચ્ચે કેન્દ્ર સરકાર એક્શનમાં આવી છે અને આંતરરાષ્ટ્રીય પ્રવાસીઓ માટે સ્વદેશ આગમન બાદ સાત દિવસ સુધી હોમ ક્વોરેન્ટાઇનમાં રહેવું ફરજિયાત બનાવ્યું છે.

ત્યારબાદ આઠમા દિવસે આ લોકોનો RT-PCR ટેસ્ટ કરવામાં આવશે. નવા સરકારી પરિપત્રમાં જણાવાયું છે કે નવી સ્ટાન્ડર્ડ ઓપરેટિંગ પ્રક્રિયા 11 જાન્યુઆરી, 2022 થી આગળના આદેશો સુધી માન્ય રહેશે.નવા પરિપત્ર મુજબ, ભારતની મુસાફરી કરવા ઇચ્છુક લોકોએ ઓનલાઈન એર સુવિધા પોર્ટલ https://www.newdelhiairport.in/airsuvidha/apho-registrationની મુલાકાત લેવી જરૂરી છે. પરંતુ સંપૂર્ણ અને વાસ્તવિક માહિતી સેલ્ફ ડિક્લેરેશન ફોર્મમાં આપવાની રહેશે.પ્રવાસની શરૂઆતના 72 કલાકની અંદર કોવિડ-19 નેગેટિવ RT-PCR રિપોર્ટ પણ અપલોડ કરવાનો રહેશે. અન્ય વિગતો ઉપરાંત, જે મુસાફરોને આગમન પર ટેસ્ટની જરૂર હોય તેઓએ એર સુવિધા પોર્ટલ પર ઓનલાઈન ટેસ્ટનું પ્રી-બુક કરવું જોઈએ.આ ઉપરાંત, સરકારે એ પણ સ્પષ્ટ કર્યું છે કે જોખમવાળા દેશોમાંથી આવતા મુસાફરોને એરલાઇન્સ દ્વારા જાણ કરવી પડશે કે તેઓ પહોંચ્યા પછી પરીક્ષણોમાંથી પસાર થશે અને સકારાત્મક પરીક્ષણ પછી કડક આઇસોલેશન પ્રોટોકોલનું પાલન કરવું પડશે.સાથે જ એરલાયન્સ તરફથી ટિકિટની સાથે પ્રવાસીઓએ શું કરવું અને શું ન કરવો તેના નિયમોનો એક નમૂનો પણ આપવામાં આવ્યો છે. તો મોબાઈલ ડિવાઈસ પર આરોગ્ય સેતુ એપ ડાઉનલોડ કરવી ફરજીયાત છે