ચન્ની V/S સિધ્ધુ : પંજાબમાં કોંગ્રેસ સીએમનો નવો ફેસ કોણ બનશે?, સાંજે 7 વાગે મોટી જાહેરાત

પંજાબમાં ચરણજીત સિંહ ચન્ની અથવા નવજોત સિંહ સિદ્ધુ વચ્ચે કોંગ્રેસનો સીએમ ચહેરો કોણ હશે તે અંગેનો નિર્ણય થોડાક સમયમાં આવી શકે છે. પંજાબ કોંગ્રેસે ટ્વીટ કરીને તેના સંકેત આપ્યા છે. આ સાથે રાજ્યમાં કોંગ્રેસના કાર્યકરોના હૃદયના ધબકારા વધી ગયા છે.

જણાવી દઈએ કે પંજાબ પ્રવાસ પર કોંગ્રેસના પૂર્વ અધ્યક્ષ રાહુલ ગાંધીએ જાલંધર રેલીમાં કહ્યું હતું કે વર્તમાન સીએમ ચરણજીત સિંહ ચન્ની અને પંજાબ કોંગ્રેસના અધ્યક્ષ નવજોત સિંહ સિદ્ધુએ તેમને સીએમ ચહેરો જાહેર કરવા કહ્યું છે, લોકો અને કાર્યકર્તાઓ નક્કી કરશે. . બાદમાં કોંગ્રેસે આમ આદમી પાર્ટીની જેમ મોબાઈલ ફોન દ્વારા સર્વે કરવાની જાહેરાત કરી હતી. હવે આ સર્વેના પરિણામની જાહેરાતની રાહ જોવાઈ રહી છે. પંજાબ કોંગ્રેસના હેન્ડલ પરથી ટ્વીટ સ્પષ્ટપણે દર્શાવે છે કે સાંજે 7 વાગ્યે જે પણ જાહેરાત થવાની છે, તે ચન્ની અને સિદ્ધુ વિશે છે. પંજાબનું રાજકારણ બે કારણોસર ઉથલપાથલમાં હતું. વહેલી સવારે પંજાબ કોંગ્રેસના પૂર્વ અધ્યક્ષ સુનીલ જાખરે દાવો કર્યો હતો કે પૂર્વ સીએમ કેપ્ટન અમરિન્દર સિંહના રાજીનામા બાદ 42 ધારાસભ્યો તેમને સીએમ બનાવવાના પક્ષમાં હતા પરંતુ 2 ધારાસભ્યોના સમર્થનથી ચરણજીત સિંહ ચન્ની સીએમ બન્યા હતા. સુખજિંદર રંધાવાના સમર્થનમાં 16 અને નવજોત સિંહ સિદ્ધુના સમર્થનમાં માત્ર 2 ધારાસભ્યો હતા.