Connect Gujarat
દેશ

આજે દિલ્હીમાં કોંગ્રેસની 'હલ્લા બોલ રેલી', ઘણા રૂટ બંધ રહેશે તેવી પોલીસની ટ્રાફિક એડવાઈઝરી

જો તમે આજે દિલ્હીમાં ઘર છોડવાનું વિચારી રહ્યા છો, તો આ સમાચાર તમારા કામના છે. વાસ્તવમાં, આજે દિલ્હીમાં કોંગ્રેસની હલ્લા બોલ રેલીના કારણે ઘણા રસ્તાઓ બંધ રહેશે. પોલીસે આ અંગે ટ્રાફિક એડવાઈઝરી જારી કરી છે.

આજે દિલ્હીમાં કોંગ્રેસની હલ્લા બોલ રેલી, ઘણા રૂટ બંધ રહેશે તેવી પોલીસની ટ્રાફિક એડવાઈઝરી
X

જો તમે આજે દિલ્હીમાં ઘર છોડવાનું વિચારી રહ્યા છો, તો આ સમાચાર તમારા કામના છે. વાસ્તવમાં, આજે દિલ્હીમાં કોંગ્રેસની હલ્લા બોલ રેલીના કારણે ઘણા રસ્તાઓ બંધ રહેશે. પોલીસે આ અંગે ટ્રાફિક એડવાઈઝરી જારી કરી છે.

રાષ્ટ્રીય રાજધાની દિલ્હીના રામલીલા મેદાનમાં આજે એટલે કે, રવિવારે કોંગ્રેસની રેલી યોજાવાની છે. જેને ધ્યાનમાં રાખીને દિલ્હી ટ્રાફિક પોલીસે ટ્રાફિક એડવાઈઝરી જારી કરી છે. સવારે 11 વાગ્યાથી યોજાનારી રેલીની તૈયારીઓ પૂર્ણ કરી દેવામાં આવી છે. પોલીસે રામલીલા મેદાનની આસપાસ ચુસ્ત સુરક્ષા વ્યવસ્થા ગોઠવી છે. પોલીસે ટ્રાફિક એડવાઈઝરી જારી કરીને માહિતી આપી છે કે, કોંગ્રેસની રેલીના કારણે કેટલાક રસ્તાઓ બંધ રહેશે. આ સાથે પોલીસે મુસાફરોને આ માર્ગો પર જવાનું ટાળવાની સલાહ આપી હતી, જે રેલીને કારણે બંધ રહેશે. આ પહેલા શનિવારે કેસી વેણુગોપાલ, જય રામ નરેશ, અજય માકન, શક્તિસિંહ ગોહિલ, દિલ્હી કોંગ્રેસના અધ્યક્ષ અનિલ ચૌધરી અને અન્ય કોંગ્રેસી નેતાઓ રેલી સ્થળ પર પહોંચ્યા હતા, અને તૈયારીઓની સમીક્ષા કરી હતી. કોંગી નેતાઓએ જણાવ્યુ હતું કે, મોંઘવારી અને બેરોજગારી સામે વિરોધ વ્યક્ત કરવા માટે રવિવારે સવારે 11 વાગ્યે શરૂ થનારી રેલીમાં દેશભરમાંથી કામદારો અને અન્ય લોકો પહોંચશે. કોંગ્રેસ નેતા રાહુલ ગાંધીની સાથે રાજસ્થાનના મુખ્યમંત્રી અશોક ગેહલોત અને છત્તીસગઢ ભૂપેશ બઘેલ અને અન્ય નેતાઓ રેલીને સંબોધશે. રાહુલ ગાંધી મોંઘવારી, બેરોજગારી અને અન્ય મુદ્દાઓ પર કેન્દ્ર સરકાર સામે લડી રહ્યા છે. રામલીલા મેદાન અને આસપાસના વિસ્તારને કોંગ્રેસના નેતાઓના હોર્ડિંગ્સ અને બેનરોથી શણગારવામાં આવ્યા છે.

Next Story
Share it