વિદેશ રાજ્યમંત્રીનું ખેડૂતો પર આપત્તિજનક ટિપ્પણી; આંદોલન કરી રહેલા ખેડૂતોને કહ્યા 'મવાલી'
મીડિયા વ્યક્તિ પરના આક્ષેપિત હુમલો અંગે વિદેશ રાજ્ય મંત્રી મીનાક્ષી લેખીએ ગુરુવારે પત્રકાર પરિષદ દરમિયાન કહ્યું હતું કે 'તેઓ ખેડૂત નથી, તેઓ માવલી છે, આ ગુનાહિત કૃત્ય છે.
કેન્દ્રિય વિદેશ રાજ્યમંત્રી મીનાક્ષી લેખીએ કૃષિ બિલના વિરોધમાં આંદોલન કરી રહેલા ખેડૂતોને મવાલી કહ્યા. ગુરુવારે યોજાયેલી એક પ્રેસ કોંફોરેન્સમાં મીડિયાકર્મીના એક સવાલ પર જવાબ આપતા તેમણે આ નિવેદન આપ્યું હતું. મીનાક્ષી લેખીના આ નિવેદન બાદ ખેડૂતોમાં રોષ જોવા મળી રહ્યો છે અને ખેડૂત આગેવાનો તેમના નિવેદનને વખોડી રહ્યા છે. ખેડૂત આગેવાન રાકેશ ટીકૈતે કહ્યું કે કે, મીનાક્ષી લેખીનું આ પ્રકારની ટિપ્પણી કરવું ખોટું છે, અમે ખેડૂત છે ના કે મવાલી.
આ અગાઉ વિદેશ રાજ્યમંત્રી મીનાક્ષી લેખીએ મીડિયા વ્યક્તિ પર કથિત હુમલો અંગે કહ્યું હતું કે, "તેઓ ખેડૂત નથી, તેઓ માવલી છે... આ ગુનાહિત કૃત્ય છે." 26 જાન્યુઆરીએ જે બન્યું તે પણ શરમજનક ગુનાહિત પ્રવૃત્તિ હતી. વિપક્ષે આવી પ્રવૃત્તિઓને પ્રોત્સાહન આપ્યું છે. આને ધ્યાનમાં લેવું જોઈએ. આ ગુનાહિત કેસ છે.
બીજી તરફ ટીએમસીના સાંસદ શાંતનુ સેને આઈટી પ્રધાન અશ્વિની વૈષ્ણવના હાથમાંથી કાગળ છીનવી લેવાની બાબતે મીનાક્ષી લેખીએ કહ્યું કે વિપક્ષના સભ્યો, ખાસ કરીને ટીએમસી અને કોંગ્રેસના સભ્યો એટલા નીચા પડી જશે કે તેઓ રાજકીય વિરોધીઓ છે, દેશની પ્રતિષ્ઠા હોવા છતાં નુકસાન કરશે. આજે ગૃહમાં એક સભ્યએ નિવેદન આપનારા મંત્રી પાસેથી કાગળો છીનવ્યા. ટીએમસી સાંસદોનું વર્તન શરમજનક છે.
મીનાક્ષી લેખીએ કહ્યું કે, 'આજે રાજ્યસભામાં ટીએમસીના સભ્યએ જે કર્યું તે શરમજનક છે. કોંગ્રેસ અને ટીએમસી ખોટા વર્ણનો બનાવવામાં સફળતા મેળવી રહ્યા છે. હું કોંગ્રેસ અને ટીએમસી દ્વારા ખોટા સમાચાર ફેલાવવાની વાતને નકારી કાઢું છું.
