Connect Gujarat
સમાચાર

કલમ 370 પર દિગ્વિજયના નિવેદન પર વિવાદ, સંબિત પાત્રાએ કહ્યું - આ તે જ ટૂલકીટનો એક ભાગ છે

કોંગ્રેસના વરિષ્ઠ નેતા દિગ્વિજયસિંહે 'ક્લબ હાઉસ' ચેટ દરમિયાન ટિપ્પણી કરીને વિવાદ ઉભો કર્યો હતો કે જમ્મુ-કાશ્મીરથી કલમ 370 નાબૂદ કરવું અને રાજ્યનો દરજ્જો નાબૂદ કરવું એ ખૂબ જ દુ:ખદ છે

કલમ 370 પર દિગ્વિજયના નિવેદન પર વિવાદ, સંબિત પાત્રાએ કહ્યું - આ તે જ ટૂલકીટનો એક ભાગ છે
X

કોંગ્રેસના વરિષ્ઠ નેતા દિગ્વિજયસિંહે 'ક્લબ હાઉસ' ચેટ દરમિયાન ટિપ્પણી કરીને વિવાદ ઉભો કર્યો હતો કે જમ્મુ-કાશ્મીરથી કલમ 370 નાબૂદ કરવું અને રાજ્યનો દરજ્જો નાબૂદ કરવું એ ખૂબ જ દુ:ખદ છેઅને સત્તાપક્ષ તેનો પુનર્વિચાર કરે . ભાજપે આ ટિપ્પણી માટે દિગ્વિજય સિંહ પર નિશાન સાધ્યું હતું અને કોંગ્રેસ પર આરોપ લગાવ્યો હતો કે ભારત વિરુદ્ધ બોલવું અને પાકિસ્તાન સાથે હા માં હા મેળવી રહ્યા છે. ભાજપનું કહેવું છે કે દિગ્વિજયસિંહે પાકિસ્તાની મૂળના પત્રકાર સાથે ક્લબહાઉસ ચેટ દરમિયાન આ ટિપ્પણી કરી હતી.

કોંગ્રેસના પ્રવક્તા પવન ખેરાએ આ મામલે કહ્યું હતું કે, ઓગસ્ટ 2019માં કોંગ્રેસ કાર્યકારી સમિતિએ જમ્મુ-કાશ્મીરના મુદ્દા પર એક ઠરાવ પસાર કર્યો હતો અને તે પાર્ટીનો સત્તાવાર વલણ છે અને વરિષ્ઠ નેતાઓએ આ જ ઠરાવ જોવો જોઈએ.

ભાજપના પ્રવક્તા સંબિત પાત્રાએ કહ્યું કે કોંગ્રેસ અધ્યક્ષ સોનિયા ગાંધી અને રાહુલ ગાંધીએ આ મુદ્દે નિવેદન આપવું જોઈએ. બીજી તરફ, દિગ્વિજય સિંહે ભાજપ પર પ્રતિક્રિયા આપતા ટ્વીટ કર્યું,"અભણ લોકોનો સમુદાય કદાચ 'શૈલ' અને 'વિચારણા' વચ્ચેનો તફાવત સમજી શકશે નહીં."

સોશ્યલ મીડિયા પર ઉપલબ્ધ વાતચીતના એક ભાગ અનુસાર, દિગ્વિજય સિંહે ક્લબહાઉસ ચેટમાં જણાવ્યું હતું કે, "જમ્મુ-કાશ્મીરમાંથી આર્ટિકલ 370 હટાવવા અને રાજ્યની સ્થિતિનો અંત લાવવો ખૂબ દુ:ખદ છે. કોંગ્રેસ પક્ષ ચોક્કસપણે આ મામલે પુનર્વિચાર કરશે."

દિગ્વિજય સિંહના આ નિવેદન પર ભાજપના પ્રવક્તા સંબિત પાત્રાએ કહ્યું કે, "આપણે બધાએ જોયું છે કે કેવી રીતે દિગ્વિજય સિંહ બહાર ભારત સામે ઝેર ફેલાવી રહ્યા છે અને પાકિસ્તાન સાથે હામી ભરી રહ્યા છે."

તેમણે કહ્યું, "એ જ દિગ્વિજય સિંહે પુલવામા હુમલાને અકસ્માત ગણાવ્યો હતો, તેમણે 26/11ના હુમલાને આરએસએસનું ષડયંત્ર ગણાવ્યું હતું અને તે સમયે પાકિસ્તાનને ક્લિનચીટ આપવાનો પ્રયાસ પણ કર્યો હતો.


Next Story
Share it