રાજકોટ : ગોંડલમાં LDO પમ્પમાં લાગી ભીષણ આગ, ડીઝલ ભરેલું ટેન્કર બળીને ખાખ
BY Connect Gujarat2 Dec 2018 8:14 AM GMT
X
Connect Gujarat2 Dec 2018 8:14 AM GMT
ગોંડલ નગરપાલિકાના બે ફાયર ફાઇટરોએ પાણીનો મારો ચલાવી આગ પર મેળવ્યો કાબૂ
ગોંડલના ઉમવાડા ચોકડી પાસે એલ.ડી.ઓ.ના પમ્પમાં ભીષણ આગ લાગતા અફડાતફડીનો માહોલ સર્જાયો હતો. આગમાં એક ડીઝલ ભરેલું ટેન્કર બળીને ખાખ થઇ ગયું હતું. આગને લઇને ગોંડલ ફાયરબ્રિગેડના બે ફાયર ફાયટરો દોડી ગયા હતા અને આગ પર કાબૂ મેળવ્યો હતો. જો કે આ બનાવમાં કોઇ જાનહાનિ થવા પામી નથી. વિકરાળ આગથી ધૂમાડાના ગોટા દૂર દૂર સુધી દેખાયા હતા.
આગને પગલે ગોંડલ નગરપાલિકાના બે ફાયર ફાઇટરો દોડી ગયા હતા અને આગ પર કાબૂ મેળવ્યો હતો. ઘટનાને લઇને પોલીસ દોડી જઇ નેશનલ હાઇવે પરનો વાહન વ્યવહાર બંધ કરાવ્યો હતો. પમ્પમાં જ ઉભા રહેલા ડીઝલ ભરેલા ટેન્કરને આગે ખાખ કરી નાંખ્યું હતું.
Next Story