IPL ક્વોલિફાયર 2: આજે મળશે બીજા ફાઇનલિસ્ટ, બેંગ્લોરનું નસીબ ખુલશે કે રાજસ્થાન જીતશે?

ઈન્ડિયન પ્રીમિયર લીગ સીઝનની ચેમ્પિયન હવે માત્ર બે મેચ દૂર છે. ટુર્નામેન્ટમાં આજે ક્વોલિફાયર-2 રમાશે. જેમાં રોયલ ચેલેન્જર્સ બેંગ્લોર (RCB) અને રાજસ્થાન રોયલ્સ (RR)ની ટીમો સામસામે ટકરાશે. આ મેચ જીતનાર ટીમ ફાઇનલમાં ગુજરાત ટાઇટન્સ સામે ટકરાશે. આ ક્વોલિફાયર-2 અમદાવાદના નરેન્દ્ર મોદી સ્ટેડિયમમાં સાંજે 7.30 વાગ્યાથી રમાશે. 29 મેના રોજ આ જ મેદાન પર ફાઇનલ પણ રમાશે. જો RCBની ટીમ ક્વોલિફાયર-2માં જીતશે તો આ વખતે નવો ચેમ્પિયન મેળવવો નક્કી થશે.

વિરાટ કોહલીની ટીમ આરસીબી આ મેચમાં સકારાત્મકતા સાથે મેદાનમાં ઉતરશે. તેનું કારણ એ છે કે તે છેલ્લી મેચ એટલે કે એલિમિનેટર મેચમાં લખનૌ સુપર જાયન્ટ્સને હરાવીને આવી રહી છે. રજત પાટીદારે તે મેચમાં સદી ફટકારી હતી જે આ મેચમાં પણ મહત્વનો ખેલાડી સાબિત થઈ શકે છે.

બીજી તરફ સંજુ સેમસનની કપ્તાની હેઠળની રાજસ્થાનની ટીમ તેની છેલ્લી મેચ હાર્યા બાદ આવી રહી છે. ક્વોલિફાયર-1 મેચમાં હાર્દિક પંડ્યાની આગેવાની હેઠળની ગુજરાતની ટીમે તેને પરાજય આપ્યો હતો. પોઈન્ટ ટેબલમાં બીજા સ્થાને હોવાથી રાજસ્થાનની ટીમને ફાઇનલમાં પહોંચવાની આ બીજી તક મળી રહી છે.