આફ્રિકા શ્રેણી માટે ટીમ ઈન્ડિયાની જાહેરાત, કેએલ રાહુલ બન્યો કેપ્ટન
ભારત અને દક્ષિણ આફ્રિકા વચ્ચે રમાનારી T20 શ્રેણી માટે ટીમ ઈન્ડિયાની જાહેરાત કરવામાં આવી છે. કેએલ રાહુલને આ ટીમનો કેપ્ટન બનાવવામાં આવ્યો છે
ભારત અને દક્ષિણ આફ્રિકા વચ્ચે રમાનારી T20 શ્રેણી માટે ટીમ ઈન્ડિયાની જાહેરાત કરવામાં આવી છે. કેએલ રાહુલને આ ટીમનો કેપ્ટન બનાવવામાં આવ્યો છે જ્યારે રોહિત શર્મા-વિરાટ કોહલી જેવા સિનિયર ખેલાડીઓને આરામ આપવામાં આવ્યો છે.
દક્ષિણ આફ્રિકા શ્રેણી માટે ટીમ ઈન્ડિયાઃ
- રાહુલ (કેપ્ટન), ઋતુરાજ ગાયકવાડ, ઈશાન કિશન, દીપક હુડા, શ્રેયસ અય્યર, ઋષભ પંત (વાઈસ-કેપ્ટન), દિનેશ કાર્તિક, હાર્દિક પંડ્યા, વેંકટેશ અય્યર, યુઝવેન્દ્ર ચહલ, કુલદીપ યાદવ, અક્ષર પટેલ, રવિ બિશ્નોઈ, ભુવનેશ્વર કુમાર , હર્ષલ પટેલ, અવેશ ખાન, અર્શદીપ સિંહ, ઉમરાન મલિક
T20 ટીમમાં ઘણા મોટા નામોની વાપસી થઈ છે. જેમાં હાર્દિક પંડ્યા, દિનેશ કાર્તિક, કુલદીપ યાદવ, યુઝવેન્દ્ર ચહલ જેવા નામ સામેલ છે. આ સિવાય IPL 2022માં સારૂ પ્રદર્શન કરનાર ખેલાડીઓને પણ તક મળી છે, અર્શદીપ સિંહ અને ઉમરાન મલિકને પ્રથમ વખત ટીમ ઈન્ડિયામાં બોલાવવામાં આવ્યા છે.
1લી T20 - 9મી જૂન, દિલ્હી
- 2જી T20 - 12 જૂન, કટક
- 3જી T20 - 14 જૂન, વિશાખાપટ્ટનમ
- 4થી T20 - 17મી જૂન, રાજકોટ
- 5મી T20 - 19 જૂન, બેંગલુરુ
આ સાથે ઈંગ્લેન્ડ સામેની ટેસ્ટ મેચ માટે પણ ટીમની જાહેરાત કરી દીધી છે. ગયા વર્ષે આયોજિત શ્રેણીની એક મેચ બાકી હતી, જે 1 જુલાઈથી રમાવાની છે. ભારતે ઈંગ્લેન્ડ સામે ટી20 અને વનડે શ્રેણી પણ રમવાની છે જેના માટે ટીમ ઈન્ડિયાની જાહેરાત પછી કરવામાં આવશે.
ઈંગ્લેન્ડ સામેની ટેસ્ટ મેચ માટે ટીમ ઈન્ડિયાઃ
- રોહિત શર્મા (કેપ્ટન), કેએલ રાહુલ (વાઈસ-કેપ્ટન), શુભમન ગિલ, વિરાટ કોહલી, શ્રેયસ ઐયર, હનુમા વિહારી, ચેતેશ્વર પૂજારા, ઋષભ પંત, કેએસ ભરત, રવીન્દ્ર જાડેજા, રવિચંદ્રન અશ્વિન, શાર્દુલ ઠાકુર, મોહમ્મદ શમી, જસપ્રીત બુમરાહ, મોહમ્મદ સિરાજ, ઉમેશ યાદવ, પ્રસિદ્ધ કૃષ્ણ