રશિયા યુક્રેન યુદ્ધ: અમેરિકી રાષ્ટ્રપતિ જો બિડેને કહ્યું ત્રીજું વિશ્વ યુદ્ધ એકમાત્ર વિકલ્પ !
રશિયન રક્ષા મંત્રાલય તરફથી કહેવામાં આવ્યું છે કે સેનાને આદેશ આપવામાં આવ્યો છે. તેને કહેવામાં આવ્યું છે કે તેણે પોતાનો હુમલો વધુ તીવ્ર બનાવવો જોઈએ અને હવે દરેક દિશામાંથી હુમલો કરવો જોઈએ.
રશિયન રક્ષા મંત્રાલય તરફથી કહેવામાં આવ્યું છે કે સેનાને આદેશ આપવામાં આવ્યો છે. તેને કહેવામાં આવ્યું છે કે તેણે પોતાનો હુમલો વધુ તીવ્ર બનાવવો જોઈએ અને હવે દરેક દિશામાંથી હુમલો કરવો જોઈએ. બીજી તરફ રશિયા અને યુક્રેનમાં ચાલી રહેલા યુદ્ધ વચ્ચે અમેરિકી રાષ્ટ્રપતિ જો બિડેને મોટું નિવેદન આપતાં તેમણે કહ્યું છે કે યુક્રેનને લઈને રશિયા પર લગાવવામાં આવેલા પ્રતિબંધોનો એકમાત્ર વિકલ્પ 'ત્રીજા વિશ્વ યુદ્ધ'ની શરૂઆત હશે. રશિયા અને યુક્રેન વચ્ચેના યુદ્ધનો આજે ચોથો દિવસ છે. દરમિયાન, રશિયન સંરક્ષણ મંત્રાલયે દાવો કર્યો છે કે હવે યુક્રેન પર હુમલો કરવાનું કામ ચારેય દિશામાંથી કરવામાં આવશે. તેમના મતે યુક્રેને રશિયા દ્વારા મંત્રણાની ઓફરને ફગાવી દીધી છે.
હવે રશિયા તરફથી મોટા પાયા પર કાર્યવાહી કરવામાં આવશે. ઉલ્લેખનીય છે કે, રશિયાના રાષ્ટ્રપતિ વ્લાદિમીર પુતિન પર સંપૂર્ણ પ્રતિબંધો સહિત યુદ્ધને સમાપ્ત કરવા માટે નવા આંતરરાષ્ટ્રીય પ્રયાસો પણ શરૂ થયા છે. બ્રિટને કહ્યું કે 26 દેશો યુક્રેનને સૈન્ય સહાય મોકલવા માટે સંમત થયા છે. રશિયન સુરક્ષા પરિષદના ડેપ્યુટી ચીફ દિમિત્રી મેદવેદેવે કહ્યું કે અમેરિકા અને અન્ય દેશો દ્વારા લાદવામાં આવેલા પ્રતિબંધોથી રશિયા પર કોઈ અસર નહીં થાય.જ્યાં સુધી પુતિનના લક્ષ્યાંકો પ્રાપ્ત ન થાય ત્યાં સુધી સૈન્ય કાર્યવાહી ચાલુ રહેશે. યુક્રેનના રાષ્ટ્રપતિ દ્વારા યુદ્ધવિરામની હાકલ વચ્ચે, રશિયાએ કહ્યું કે તેનો હેતુ ફક્ત લશ્કરી થાણાઓને નિશાન બનાવવાનો છે. તે જ સમયે, ભારતે રશિયાની સખત શબ્દોમાં નિંદા કરતા ઠરાવ પર સંયુક્ત રાષ્ટ્ર સુરક્ષા પરિષદમાં મતદાનમાં ભાગ લીધો ન હતો.
