ગોધરા : UCMASની રાજય કક્ષાની ગણિત સ્પર્ધામાં બ્લુ બેલ પબ્લિક સ્કૂલના વિદ્યાર્થીઓએ મેળવ્યું પ્રથમ સ્થાન

ગોધરા શહેરમાં લિલેસરા રોડ ઉપર આવેલ બ્લુ બેલ પબ્લિક સ્કૂલના વિદ્યાર્થીઓએ UCMASની રાજ્ય કક્ષાની ગણિત સ્પર્ધામાં પ્રથમ સ્થાને વિજેતા થઈ ગોધરા શહેર તથા સ્કૂલનું ગૌરવ વધાર્યું છે.

વડોદરા ખાતે આ ગણિત સ્પર્ધા ધોરણ ૧ થી ૮ ના ૫ થી ૧૩ વર્ષના બાળકો માટે યોજાઈ હતી. જેમાં માત્ર આઠ મિનિટની સમય મર્યાદામાં ૨૦૦ દાખલા ગણવાની સ્પર્ધા હોય છે. જેમાં બ્લુ બેલ પબ્લિક સ્કૂલના બાળકોએ સાત જ મિનિટમાં ૨૦૦ દાખલા સંપૂર્ણ સાચા ગણી કાઢ્યા હતાં.

આ સ્કૂલના વિદ્યાર્થી હાશીમ ઉમરજી સમગ્ર ગુજરાતમાં ત્રીજો ક્રમ મેળવી મહત્વની સિદ્ધિ પ્રાપ્ત કરી છે. આ સિવાય મેરીટ એવોર્ડ મેળવનાર વિદ્યાર્થીઓ આદિલ મિસ્ત્રી, નવિદઅહેમદ આલમ, ઝુબેરઅહેમદ આલમ, અરમાન આંકલા, દાનિશ રસુલભાઈએ પણ મહત્વની સિદ્ધિ મેળવેલ છે. આ વિદ્યાર્થીઓ રાજ્યસ્તર વિજેતા થઈ ૨૦મી જુલાઈએ કોલકાતા ખાતે રાષ્ટ્રીય-સ્તરની સ્પર્ધામાં ભાગ લેવા જવાના છે.

સ્કૂલના આચાર્ય યાસમીનબેન અને USMAS એકેડેમીના પલ્લવભાઈ દેસાઈ, સોનાલીબેનએ આ વિદ્યાર્થીઓને માર્ગદર્શન આપ્યું હતું.