ઝઘડિયાની RMG સ્ટીલ કંપનીમાં ઊંચાઈ પર થી બે કામદાર નીચે પટકાતા ૧ નું મોત ૧ ગંભીર

ઝઘડિયા ની આર.એમ.જી સ્ટીલ કંપની માં આશરે ૫૦ ફૂટ ઊંચા શેડ ના પતરા બદલવાનું કામ કરતા કોન્ટ્રાકટર ના બે કામદારો નીચે પટકાયા હતા.જેમાં બંન્નેવ કામદારો ગંભીર રીતે ઘવાયા હતા.

ઝઘડિયા જીઆઈડીસી માં આવેલ આર.એમ.જી સ્ટીલ કંપની માં શ્રીજી લેબર કોન્ટ્રાકટર ના લેબર કોન્ટ્રાકટ મા કામ કરતા બે કામદારોને આર.એમ.જી કંપની કંપનીમાં આવેલ ૫૦ ફૂટ ઊંચા શેડ ના પતરા બદલવાનું કામ આપવામાં આવ્યું હતું. આ કોન્ટ્રાકટર દ્વારા નીતિનભાઈ વસાવા ઉ.વ ૨૬ તથા આશિષ વસાવા ઉ.વ ૩૧બંન્નેવ રહે,બોરજાઈ તા.ઝઘડિયા ને આશરે ૫૦ ફૂટ ઊંચા શેડ ઉપર પતરા બદલવા માટે ચઢાવ્યા હતા. કોઈ પણ સુરક્ષા સાધનો વગર કામ કરાવતા આ બંન્નેવ કામદારો કોઈ કારણોસર ૫૦ ફૂટ ઊંચા શેડ ઉપર થી નીચે પટકાયા હતા. અચાનક કામદારો નીચે પડવાની ઘટનાને કારણે કંપનીમાં ભાગદોડ મચી જવા પામી હતી.૫૦ફૂટ ઉપર થી નીચે પડતા કામદારો ગંભીર રીતે ઘવાતા તેઓને તત્કાલ સારવાર અર્થે ભરૂચ ની એક ખાનગી હોસ્પીટલ માં ખસેડવામાં આવ્યા હતા.જ્યાં આશિષ વસાવા નામ ના કામદાર નું ટુંકી સારવાર દરમ્યાન મોત નિપજવા પામ્યું હતું. જયારે નીતિન વસાવાની હાલત હજુ ગંભીર હોવાનું તબીબોએ જણાવ્યું હતું.તો આ બનાવ સંદર્ભે ઝઘડિયા પોલીસે જરૂરી કાર્યવાહી કરી મરણ જનાર કામદાર ને પી.એમ અર્થે રવાના કરી આગળ ની કાયદેસર ની કાર્યવાહી હાથધરી છે.