ડિમ્પલ સાસુ જમાઇ અક્ષયકુમાર સાથે ફિલ્મમાં જોવા મળશે

હાલ ડિમ્પલ કાપડિયાનો ભાણેજ કરણ કાપડિયાને બોલીવૂડમાં લોન્ચ કરવાની પૂરી તૈયારી થઈ રહી છે. ડિમ્પલે આ જવાબદારી અક્ષય કુમારને સોંપી છે. નિર્માતા ટોની ડિસુઝાએ કરણને લઈને ફિલ્મ બનાવવાનો નિર્ણય લીધો છે. ટોનીએ આ પહેલા અક્ષયની 'બ્લુ' ફિલ્મનું નિર્માણ કર્યું હતું.

ટોનીની આ ફિલ્મમાં કરણ કાપડિયા ઉપરાંત અક્ષય કુમાર અને સની દેઓલ પણ કેમિયો રોલમાં જોવા મળશે. જો કે આ બંન્ને એક સાથે જોવા મળશે કે નહીં એ અંગે ચોખવટ કરવામાં આવી નથી. રસપ્રદ વાત એ છે કે આ ફિલ્મમાં ડિમ્પલ કાપડિયા પણ મહત્ત્વના પાત્રમાં જોવા મળશે.