ભારત અને ઈંગ્લેન્ડ વચ્ચેની વન-ડે મેચની ટિકિટોનું વેચાણ કેશલેશ થશે

New Update
ભારત અને ઈંગ્લેન્ડ વચ્ચેની વન-ડે મેચની ટિકિટોનું વેચાણ કેશલેશ થશે

19 જાન્યુઆરી ના રોજ ઓરિસ્સાના બારાબતી સ્ટેડિયમ ખાતે ભારત અને ઈંગ્લેન્ડ વચ્ચે વન-ડે ઈન્ટરનેશનલ (ODI) મેચ રમાવાની છે તેની ટિકિટનું વેચાણ કેશલેશ ધોરણે કરવામાં આવશે.

ઓરિસ્સા ક્રિકેટ એસોસિયેશન (OCA)ના સચિવશ્રી આશીર્વાદ બેહેરાએ જણાવ્યું હતું કે નોટબંધીને પગલે લોકો પાસે રોકડ નાણાંની અછત છે જેથી લોકોની સુવિધા માટે એસોસિયેશનની બેઠકે નક્કી કર્યું છે કે રૂ 500 થી વધુની રકમની ટિકિટ માટે બેંક ચેક, ડ્રાફ્ટ, ડેબિટ કાર્ડ , ક્રેડિટ કાર્ડ તેમજ ડિજિટલ પેમેન્ટનો ઉપયોગ કરી શકશે.

જો કે દર્શકો 2,000 રૂપિયા સુધીની રોકડ ચૂકવણી દ્વારા ટિકિટ મેળવી શકે છે.ડિજિટલ વ્યવહારો રૂ 2000 ની ઉપરની ટિકિટને લાગુ પડશે અને આ માટે OCA દ્વારા ટિકિટ કાઉન્ટર પર લોકોની સુલભતા માટે કાર્ડ સ્વાઇપ મશીનોની સગવડ પણ કરાઈ છે તેમજ ટિકિટની ખરીદી ઈ વૉલેટ મારફતે કરી શકાશે.

43,000 ટિકિટો પૈકી 25 ટકા ઓનલાઇન વેચવામાં આવશે જેમાં ઓનલાઇન ટિકિટ વેચાણ 2 જાન્યુઆરીથી જ્યારે OCA સાથે સંકળાયેલા એજન્સીઓ દ્વારા 14 અને 15 જાન્યુઆરી દરમ્યાન અને બારાબતી સ્ટેડિયમ પર 16 ,17 જાન્યુઆરીએ ટિકિટનું વેચાણ કરવામાં આવશે.

ઇંગ્લેન્ડ ભારત સામે ત્રણ વન-ડે મેચ રમશે જેમાં બીજી મેચ કટક ખાતે રમવામાં આવશે.

Read the Next Article

iPhone 17 Air ની પહેલી ઝલક, જુઓ ડિઝાઇનથી શું ખાસ હશે

એપલ ટૂંક સમયમાં તેની નવી iPhone 17 સિરીઝ લોન્ચ કરવા જઈ રહી છે. રિપોર્ટ્સમાં કહેવામાં આવી રહ્યું છે કે આ વખતે પણ સપ્ટેમ્બર મહિનામાં નવી સિરીઝ લોન્ચ થઈ શકે છે.

New Update
iphone auir

એપલ ટૂંક સમયમાં તેની નવી iPhone 17 સિરીઝ લોન્ચ કરવા જઈ રહી છે. રિપોર્ટ્સમાં કહેવામાં આવી રહ્યું છે કે આ વખતે પણ સપ્ટેમ્બર મહિનામાં નવી સિરીઝ લોન્ચ થઈ શકે છે. જોકે, આ વખતે પ્લસ મોડેલને બદલે iPhone 17 સિરીઝમાં એક નવી એન્ટ્રી થઈ શકે છે, જે ખૂબ ચર્ચામાં છે. હા, એવું કહેવામાં આવી રહ્યું છે કે આ વખતે એકદમ નવો iPhone 17 Air પણ લોન્ચ થઈ શકે છે જે Appleનો સૌથી પાતળો iPhone હશે.

તે જ સમયે, તાજેતરમાં એક ટિપસ્ટરે ફોનનો એક હેન્ડ્સ-ઓન વીડિયો શેર કર્યો છે જે બતાવે છે કે iPhone 17 Airનો લુક કેવો હોઈ શકે છે. જો કે, તે એક ડમી યુનિટ જેવો દેખાય છે, જે દર્શાવે છે કે તે અલ્ટ્રા-સ્લિમ પ્રોફાઇલ સાથે આવશે. ચાલો જાણીએ તેના વિશે...

iPhone 17 Air ની પહેલી ઝલક જોવા મળી

વાસ્તવમાં X પર તાજેતરમાં એક વીડિયો પોસ્ટ કરવામાં આવ્યો છે જેમાં iPhone 17 Air ની પહેલી ઝલક જોવા મળી છે. વીડિયોની અંદર, ફોન મેટ બ્લેક ફિનિશમાં સંપૂર્ણપણે નવી ડિઝાઇન સાથે જોઈ શકાય છે. સિંગલ કેમેરાવાળા ડિવાઇસની પાછળ એક પૂર્ણ-પહોળાઈનો કેમેરા બાર પણ દેખાય છે. અહેવાલો કહે છે કે તે 48MP પ્રાથમિક લેન્સ હોઈ શકે છે.

ફોન ફક્ત 5.5mm જાડા હશે

આ એપલની પ્રો શ્રેણીમાં મળતા મલ્ટિ-લેન્સ સેટઅપથી અલગ હશે. આ ડિવાઇસ ખૂબ જ આકર્ષક ડિઝાઇન આપી શકે છે. આ ઉપરાંત, સપ્લાય ચેઇન વિશ્લેષક મિંગ-ચી કુઓને ટાંકીને અહેવાલો દાવો કરે છે કે તેની જાડાઈ ફક્ત 5.5mm હોઈ શકે છે, જે તેને iPhone 16 Pro કરતા ઘણી પાતળી બનાવશે.

કંપની કેટલીક સુવિધાઓ દૂર કરી શકે છે

કેટલાક અહેવાલોમાં એવું પણ કહેવામાં આવી રહ્યું છે કે પાતળા ડિઝાઇનને કારણે, iPhone 17 Air માં કેટલીક સુવિધાઓ પણ ઘટાડી શકાય છે. ડિવાઇસમાં સિંગલ સ્પીકર અને ભૌતિક સિમ સ્લોટ દૂર કરી શકાય છે. આ ઉપરાંત, બેટરી ક્ષમતા પણ ઘટાડી શકાય છે. એટલું જ નહીં, હાઇ-એન્ડ મોડેલોમાં મળતા A19 Pro ચિપસેટને બદલે A19 ચિપ સાથે ડિવાઇસ જોઈ શકાય છે.