વાલિયા માં ખખડધજ માર્ગ થી વેપારીઓ પરેશાન.

રસ્તો બનાવવા માટે મામલતદાર ને આવેદન પત્ર પાઠવ્યું

વાલિયાના મુખ્ય બજારમાં ખખડધજ માર્ગથી હેરાન પરેશાન થઇ ગયેલા વેપારીઓએ મામલતદારને આવેદન પત્ર પાઠવી ત્વરિત માર્ગ બનાવવાની માંગ કરી છે.

વાલીયા મામલતદાર કચેરીના મામલતદાર એ.વી.વણકરને વાલીયા વેપારીઓએ આવેદન પત્ર પાઠવ્યું હતું.જેમાં જણાવ્યા અનુસાર છેલ્લા ઘણા સમયથી વાલીયા ગામના મુખ્ય બજારમાં ગેસ કનેક્શન નાખવાનું કામકાજ હાથ ધરવામાં આવ્યું છે,જેને પગલે વાલીયાના મુખ્ય બજારના માર્ગ પર આડેધડ ખોદકામ કરવામાં આવતા માર્ગ બિસ્માર બનતા રાહદારીઓ અને વાહન ચાલકો હેરાન પરેશાન થઇ ગયા છે.