181 અભયમે લોન્ચ કરી મોબાઈલ એપ, પેનિક બટન બનશે મદદરૂપ

રાજ્યમાં ક્યાંય પણ કોઇ પણ મુસીબતમાં મહિલાઓને ગણતરીની પળોમાં જ મળશે મદદ

મહિલાઓ માટે કામ કરતી 181 હેલ્પલાઈન દ્વારા હવે એન્ડ્રોઈડ એપ્લિકેશન લોન્ચ કરવામાં આવી છે. મુખ્યમંત્રી રૂપાણીએ ગુજરાતની મહિલાઓ માટે ઝડપીથી મદદ મળે એ હેતુંથી 181 અભયમની મોબાઈલ એપનું લોન્ચિંગ કર્યું છે. રાજ્યમાં ક્યાંય પણ કોઇ પણ મુસીબતમાં મહિલાઓને ગણતરીની પળોમાં જ મદદ પુરી પાડવામાં આ એપ્લિકેશન સહાયક બનશે.

રાજ્ય સરકારના મહિલા બાળ કલ્યાણ વિભાગ અને ગૃહ વિભાગ તેમજ મહિલા આયોગ દ્વારા 181 અભયમ મોબાઈલ એપ જી.વી.કે. ઈ એમ આર આઈના સહયોગથી વિકસાવવામાં આવી છે. ગૃહ રાજ્યમંત્રી પ્રદીપસિંહ જાડેજા, મહિલા બાળ કલ્યાણ મંત્રી વિભાવરીબહેન દવે તેમજ વરિષ્ઠ અધિકારીઓ આ લોન્ચિંગમાં ઉપસ્થિત રહ્યા હતા. વિજયભાઈ રૂપાણીએ આ સેવાઓ નો વ્યાપ વિસ્તારીને જરૂરતમંદ બહેનોને તાત્કાલિક મદદ સેવા મળે તેની તાકીદ કરી હતી. આ એપ સ્માર્ટ ફોનમાં ગૂગલ પ્લેસ્ટોરમાંથી તેમજ એપલ આઇ ઓ એસ પરથી ડાઉનલોડ કરી શકાય છે.