અસદુદ્દીન ઓવૈસી આવતીકાલે અમદાવાદની મુલાકાતે; સેન્ટ્રલ જેલમાં અતિક અહેમદને મળશે

ગુજરાતમાં રાજકીય સમીકરણો બદલાય અને નવા મંત્રીમંડળના ફેરફારથી વિધાનસભાની વહેલી ચૂંટણીની આશંકા લાગી રહી છે. રાજકીય પાર્ટીઓ તેની તૈયારીઓમાં લાગી છે. ત્યારે AIMIM ના નેતા અસદુદ્દીન ઓવૈસી આવતીકાલે સોમવારે વહેલી સવારે ગુજરાત આવી રહ્યા છે.ઓવૈસી અમદાવાદમાં આખો દિવસ રોકાવાના છે.

એરપોર્ટથી હોટેલમાં રોકાણ બાદ સવારે 9.30થી 10 વાગ્યે તો અમદાવાદની સાબરમતી જેલમાં બંધ ઉત્તરપ્રદેશના પ્રયાગરાજમાં પૂર્વ બાહુબલી સાંસદ અને 103 હત્યાના જેમના પર આરોપ છે તેવા અતિક અહેમદને મળશે. બપોરે પત્રકાર પરિષદ બાદ સાંજે ટાગોર હોલમાં નવનિયુક્ત હોદ્દેદારો સાથે મુલાકાત કરશે આવતીકાલે સવારે એરપોર્ટ પર અસદુદ્દીન ઓવૈસી આવશે. સાબરમતી જેલમાં અતિક અહેમદ સાથે મુલાકાત બાદ તેઓ ગાડીઓના કાફલા સાથે હોટલ પરત કરશે જ્યાં રોડ પર કાર્યકર્તાઓ તેમનું સ્વાગત કરશે. બપોરે પત્રકાર પરિષદ બાદ શાહઆલમ દરગાહ ખાતે જશે. સાંજે ટાગોર હોલમાં ગુજરાત ના હોદ્દેદારો સાથે મુલાકાત કરી સંબોધન કરશે. સોમવારે સવારે 7 વાગ્યે તેઓ અમદાવાદ એરપોર્ટ પર આવશે. એરપોર્ટથી સીધા તેઓ ખાનપુર લેમન ટ્રી હોટેલ ખાતે જશે. ખાનપુર હોટલથી. 9.30 વાગ્યે સાબરમતી સેન્ટ્રલ જેલમાં અતિક અહેમદને મળશે. 2022 ની ચૂંટણી માટે તેઓ હાલ રણનીતિ બનાવવા માટે પાર્ટીના વરિષ્ઠ નેતા ને મળશે. જેમાં બપોરે પાર્ટી વિચારધારા સાથે જોડાયેલા અને બુદ્ધિજીવી લોકો સાથે મુલાકાત પણ કરશે.