આમિર ખાને કોઈ પણ વિઝ્યુઅલ વગર પોતાની કહાની સંભળાવી, 'લાલ સિંહ ચઢ્ઢા'નું પહેલું ગીત રિલીઝ

બોલિવૂડના દિગ્ગજ અભિનેતા આમિર ખાનની બહુચર્ચિત ફિલ્મ લાલ સિંહ ચઢ્ઢાનું પહેલું ગીત રિલીઝ થઈ ગયું છે. ગીતનું નામ કહાની છે. આ ગીતને વિઝ્યુઅલ વગર રિલીઝ કરવામાં આવ્યું છે, જેમાં ગીતના માત્ર શબ્દો જ દેખાઈ રહ્યા છે. કહાની ગીત મ્યુઝિક કંપની T-Series દ્વારા તેની ઓફિશિયલ યુટ્યુબ ચેનલ પર રિલીઝ કરવામાં આવ્યું છે. આ સાથે આમિર ખાનના પ્રોડક્શન હાઉસે પણ કહાની ગીત રિલીઝ થવાની જાણકારી આપી છે.

જોકે આ ગીત સૌપ્રથમ રેડિયો સ્ટેશન પર રિલીઝ થયું હતું. કહાની ગીતમાં પ્રિતમે પોતાનું સંગીત આપ્યું છે અને અમિતાભ ભટ્ટાચાર્યએ આ ગીત લખ્યું છે. જ્યારે અવાજ મોહન ખન્નાએ આપ્યો છે. કહાની ગીતના શબ્દો હૃદયને સ્પર્શી જાય તેવા છે. કોઈપણ વિઝ્યુઅલ વિના ગીતને રિલીઝ કરવા પર, આમિર ખાને કહ્યું કે આ ગીત તેને અને કરીનાને જોવા કરતાં વધુ સાંભળવા લાયક છે. રેડિયો 93.5 એફએમ પર તેમનું ગીત કહાની રિલીઝ કરતાં, પીઢ અભિનેતાએ કહ્યું, "હું ખરેખર માનું છું કે લાલ સિંહ ચઢ્ઢાના ગીતો ફિલ્મનો આત્મા છે અને આ આલ્બમમાં મારી કારકિર્દીના કેટલાક શ્રેષ્ઠ ગીતો છે. પ્રીતમ, અમિતાભ, ગાયકો અને ટેકનિશિયનને પ્રસિદ્ધિમાં મૂકવાનો ખૂબ જ ઇરાદાપૂર્વકનો નિર્ણય હતો કારણ કે તેઓ માત્ર આ પ્લેટફોર્મને પાત્ર નથી પરંતુ સંગીત પણ તેના યોગ્ય શ્રેયને પાત્ર છે.