બાબા જાને મન કી બાત, આશ્રમ સીઝન 3નુ ટ્રેલર થયું આઉટ, જાણો ક્યારે થશે રીલીઝ?

તૈયાર થઈ જાઓ... ફરી એકવાર કુખ્યાત આશ્રમના દરવાજા ખુલવાના છે. કાશીપુરના બાબા ફરી એકવાર પોતાની ડરામણી સ્ટાઈલથી ચાહકોને ચોંકાવી રહ્યા છે. બોબી દેઓલની મોસ્ટ અવેટેડ સીરિઝ આશ્રમ 3નું ટ્રેલર રિલીઝ થઈ ગયું છે. આ જોઈને લાગે છે કે આ સીઝન પણ અન્ય બે ભાગની જેમ ફેન્સની ફેવરિટ બનવાની છે. આ સિરીઝ 3 જૂને રિલીઝ થશે.

સીઝન 3 માં બાબા નિરાલાના નવા કાર્યોનું કાળું સત્ય સામે આવશે. ઘણા રસપ્રદ ટ્વિસ્ટ સાથે આ શ્રેણી ચાહકોને ફરીથી આશ્ચર્યચકિત કરશે. આ વખતે બોબી દેઓલની સિરીઝમાં ચાહકોને ગ્લેમરસ અભિનેત્રી એશા ગુપ્તા પણ જોવા મળશે. આ સિરીઝ અંધશ્રદ્ધા, રાજકારણ, બળાત્કાર અને ડ્રગ્સની આસપાસ ફરે છે. તેની પ્રથમ સિઝન 2020માં આવી હતી. આશ્રમ 3માં વેરની વાર્તા, બાબા નિરાલે ભગવાન બનવાની સફર બતાવવામાં આવશે. બાબા નિરાલા હવે એક નવી દુનિયા બનાવવાના છે. તેઓ ભગવાન નિરાલા બનવાના સપના જોઈ રહ્યા છે. બાબામાંથી ભગવાન બનવાના માર્ગમાં અનેક અવરોધો આવશે જે સિરીઝ રિલીઝ થયા બાદ ખબર પડશે. બદલાની આગમાં સળગી રહેલો પરમિન્દર આ વખતે પોતાનો બદલો લઈ શકશે? બાબાનું રહસ્ય દુનિયા સામે ખુલશે? આવા ઘણા ફની સવાલો છે જે આ સિરીઝમાં જોવા મળશે.