જામનગર : કોવિડ હોસ્પિટલમાં અઘટિત માંગણીના મુદ્દે કર્મચારીઓના ધરણાં, યોગ્ય ન્યાયની માંગ

New Update

જામનગરના ચકચારી બનેલા સરકારી કોવિડ હોસ્પિટલના અઘટિત માંગણીના બનાવ અંગે સરકારી કોવિડ હોસ્પિટલના એટેન્ડેંટ્સ સ્ટાફના કર્મચારીઓ પગાર અને અઘટિત માંગણીના મુદે ધરણાં પર બેસી સરકાર પાસે યોગ્ય ન્યાયની માંગણી કરી હતી, ત્યારે ગાંધીનગર સ્થિત ઓલ ઈન્ડિયા મહિલા સાંસ્ક્રુતિક સંગઠનના આગેવાનો પણ તેમની મુલાકાતે આવ્યા હતા.

જામનગરમાં ગુરૂગોવિંદસિંઘ સિવિલ કોવિડ હોસ્પિટલના એટેન્ડેંટ્સ કર્મચારીઓ બાકી રહેતા પગાર અને ત્યાં નોકરી કરતી યુવતીઓ પાસે અઘટિત માંગણીઓના મુદ્દે સરકાર પાસેથી યોગ્ય ન્યાય મેળવવા હોસ્પિટલના પટાંગણમાં જ ધરણાં પર બેઠા હતા. આ ધરણાં કાર્યક્રમમાં આમ આદમી પાર્ટીના શહેર પ્રમુખ કરસન કરમૂર દ્વારા કર્મચારીઓને ટેકો આપી ધરણાં સ્થળે ઉપસ્થિત રહ્યા હતા. ઉપરાંત ગાંધીનગર સ્થિત ઓલ ઈન્ડિયા મહિલા સાંસ્ક્રુતિક સંગઠનના આગેવાનો સારા બાલદીવાળા, સ્મિતા પંડ્યા તેમજ મીનાક્ષી જોશી પીડિત અને રોષિત યુવતીઓની મુલાકાતે આવ્યા હતા. સમગ્ર મામલે યુવતીઓ પાસેથી માહિતી મેળવી સરકાર પાસેથી આ અંગે યોગ્ય કાર્યવાહી કરવાની માંગ કરી હતી.

Read the Next Article

અંકલેશ્વર: અસ્થિર મગજના ઇસમે વૃદ્ધ પર ચપ્પુના ઘા ઝીંકી ગામ માથે લીધું, અંતે પાલિકા અને પોલીસની ટીમે પકડ્યો

અંકલેશ્વરમાં અસ્થિર મગજના ઈસમે ગામ માથે લીધું હતું.ચપ્પુ લઇ એક વૃદ્ધ પર 3 થી 4 ઘા ઝીંકી દીધા હતા.લોકો પકડવા દોડ્યા તો ડાંગ અને છરી લઇ લોકો પાછળ દોડ્યો હતો. 

New Update
ank

અંકલેશ્વરમાં અસ્થિર મગજના ઈસમે ગામ માથે લીધું હતું.ચપ્પુ લઇ એક વૃદ્ધ પર 3 થી 4 ઘા ઝીંકી દીધા હતા.લોકો પકડવા દોડ્યા તો ડાંગ અને છરી લઇ લોકો પાછળ દોડ્યો હતો. 

અંકલેશ્વર માં શુક્વારના રોજ એક વિચિત્ર ઘટનાએ  લોકોને દોડતા કરી દીધા હતા. અંકલેશ્વર વ્હોરવાડ ખાતે રહેતા ફારુખ નામનો માનસિક રીતે બીમાર વ્યક્તિ 2 મહિના પહેલા જ વડોદરાથી પરિવારજનો દ્વારા સારવાર કરી પરત આવ્યા હતા જોકે દવા બંધ થઇ જતા ફારુખ પુનઃ માનસિક બીમારીમાં આવી અભદ્ર વર્તન કરવાનું શરુ કરી દીધું હતું. ફળીયામાં નગ્ન ફરવા સાથે લાકડાની ડાંગ , કુહાડી ચપ્પુ લઇ નીકળી પડતો હતો. જેણે આજરોજ ફળિયામાં રહેતા 65 વર્ષીય વૃદ્ધ કાસીમભાઈ પર અચાનક ચપ્પુ વડે હુમલો કરી દીધો હતો અને એક પછી એક 3 થી 4 ધા કરી દીધા હતા જેઓએ બુમાબુમ કરતા લોકો તેને પકડવા માટે દોડ્યા હતા જો કે લાકડાના ડંડા અને ચપ્પુ લઇ પકડવા આવતા લોકો પર પણ હુમલો કરતો હતો.અંતે ફાયર વિભાગ અને પોલીસની ટીમ દ્વારા તેને ઝડપી પાડવામાં આવ્યો હતો. હુમલામાં ઘવાયેલા કાસીમભાઈ હાલ ખાનગી હોસ્પિટલમાં સારવાર હેઠળ છે. 
Latest Stories