રાજ્યના 6 લાખ કર્મચારીઓ આજે ટ્વીટ કરીને વિરોધ વ્યકત કરશે,જાણો શું છે સમગ્ર મામલો..?
રાજ્યના કર્મચારીઓ પડતર પ્રશ્નોને લઇને મુખ્યમંત્રી, ચીફ સેક્રેટરી, ભાજપ પ્રદેશ પ્રમુખને પણ પડતર પ્રશ્નો ઉકેલવા માટે રજૂઆત કરી હતી. આમછતા કોઇ ઉકેલ ન આવતા કોરોનાની ગાઇડલાઇનને કારણે દેખાવો કરવાને બદલે સોશીયલ મિડીયામાં ટવીટર મારફત તા. 16મીએ બપોરે 3થી6 કલાક દરમિયાન એક સાથે 6 લાખ ટવીટ કરીને આંદોલનની શરૂઆત કરશે.
ગુજરાત રાજ્ય કર્મચારી સંકલન સમિતિ અને મહામંડળ દ્વારા ટવીટર અભિયાન તબક્કાવાર તા. 16મી ફેબ્રુઆરી, 21મી ફેબ્રુઆરી, 24મી ફેબ્રુઆરી અને તા. 1 માર્ચના રોજ હાથ છેડાશે કર્મચારીઓ તા. 16મી ફેબ્રુઆરીએ ફિક્સ પગારની પોલિસીની બાબતે બે હેશ ટેગ જેમ કે fix paycase from supreme court તથા #remove_fixpaypolicy_ gogujarat ઉપયોગ કરીને ટવીટ કરશે. જયારે તા. 21મી ફેબ્રુઆરી સાતમાં પગાર પંચના બાકી ભથ્થા માટે હેશ ટેગ #release_7thpay_allowance_gogujarat લખીને વિરોધ વ્યકત કરશે. કર્મચારીઓ તા. 24મી ફેબ્રુઆરીએ પડતર મોંઘવારી ભથ્થું જાહેર કરવા માટે #release_DA_gogujarat લખીને વિરોધ વ્યક્ત કરશે. ઉપરાંત તા. 1 માર્ચના રોજ નવી પેન્શન યોજના સ્થાને જુની પેન્શન યોજના લાગુ કરવા માટે #restore_OPS_gogujarat લખીને વિરોધ વ્યક્ત કરશે.