આસામ: સાબુની પેટીઓમાં છુપાવીને લઈ જવાતું આટલા કરોડનું હેરોઈન જપ્ત, બેની ધરપકડ

આસામના કાર્બી આંગલોંગ જિલ્લામાંથી સોમવારે ડ્રગ્સની દાણચોરી કરતા બે લોકોની ધરપકડ કરવામાં આવી હતી. તેમની પાસેથી 15 કરોડ રૂપિયાનું હેરોઈન પણ જપ્ત કરવામાં આવ્યું છે. પોલીસે જણાવ્યું કે આસામ પોલીસ અને CRPFના સંયુક્ત ઓપરેશનમાં આ સફળતા મળી છે. કાર્બી આંગલોંગ જિલ્લાના નાયબ પોલીસ અધિક્ષક નાહિદ કરિશ્માએ જણાવ્યું કે ગુપ્ત માહિતીના આધારે આ કાર્યવાહી કરવામાં આવી છે.

આ અંતર્ગત આસામ-નાગાલેન્ડ સરહદે વાહનોની તલાશી લેવામાં આવી હતી. આ દરમિયાન એક વાહનમાંથી 152 સાબુના બોક્સમાં છુપાયેલું લગભગ બે કિલોગ્રામ હેરોઈન જપ્ત કરવામાં આવ્યું હતું. તેમણે કહ્યું કે ધરપકડ કરાયેલા આરોપીઓ મણિપુર અને નાગાલેન્ડના રહેવાસી છે. સીએમ હિમંતા બિસ્વા સરમાએ ટ્વિટ કરીને આ અંગે જાણકારી આપી હતી. ઓપરેશનના ભાગ રૂપે, 152 સાબુ બોક્સમાંથી 1.995 કિલો હેરોઈન રિકવર કરવામાં આવ્યું છે અને બે લોકોની ધરપકડ પણ કરવામાં આવી છે, એમ તેમણે જણાવ્યું હતું. આસામના કોકરાઝાર જિલ્લામાં એક 45 વર્ષીય મહિલાની મેલીવિદ્યાની શંકામાં હત્યા કરવામાં આવી હતી. તેનો મૃતદેહ ઝાડ પર લટકતો મળી આવ્યો હતો. પોલીસે જણાવ્યું કે, ગોસાઈગાંવ પોલીસ સ્ટેશન વિસ્તારના મોહનપુર ગામમાં બનેલી આ ઘટનામાં અત્યાર સુધીમાં ત્રણ લોકોની ધરપકડ કરવામાં આવી છે.