ડોનાલ્ડ ટ્રમ્પે ટેક્સાસમાં 19 બાળકો સહિત 21 લોકોના મૃત્યુ અંગે જો બિડેન પર સાધ્યું નિશાન

ભૂતપૂર્વ યુએસ પ્રમુખ ડોનાલ્ડ ટ્રમ્પ શુક્રવારે બંદૂક સુધારણા માટે વધતા જતા કોલ વચ્ચે નેશનલ રાઇફલ એસોસિએશન એક મુખ્ય બંદૂક-અધિકાર લોબિંગ જૂથનો બચાવ કરવા હાજર થયા હતા. તેમણે શાળાઓમાં સુરક્ષા વધારવાના પગલાંને સમર્થન ન આપવા બદલ ડેમોક્રેટિક પાર્ટી સામે હુમલો કર્યો.

તમને જણાવી દઈએ કે, અમેરિકામાં એક કિશોર બંદૂક દ્વારા 19 બાળકો અને પ્રાથમિક શાળાના બે શિક્ષકોની હત્યા બાદ દેશભરમાં આક્રોશ જોવા મળી રહ્યો છે. ડોનાલ્ડ ટ્રમ્પે ટેક્સાસ શહેરમાં ઉવાલ્ડેમાં થયેલી હત્યા બાદ બંદૂક નિયંત્રણના મજબૂત પગલાંની વધતી જતી માંગ વચ્ચે એનઆરએની વાર્ષિક બેઠકને સંબોધિત કરી. દરમિયાન, તેણે એનઆરએનો બચાવ કર્યો અને તેના વાર્ષિક સંમેલનને રદ કરવાની કોલ્સ નકારી કાઢી. ટ્રમ્પે ટેક્સાસમાં એક કાર્યક્રમમાં કહ્યું હતું કે, "દરેક વખતે જ્યારે કોઈ પરેશાન અથવા પાગલ વ્યક્તિ આવો નફરતનો ગુનો કરે છે, ત્યારે આપણા સમાજમાં કેટલાક લોકો તેમના આત્યંતિક રાજકીય એજન્ડાને આગળ વધારવા માટે અન્યના દુઃખનો ઉપયોગ કરવાની વલણ ધરાવે છે.'