ઓપરેશન ગંગા : મોદી સરકાર 4 કેન્દ્રિય પ્રધાનોનેયુક્રેનના પાડોશી દેશોમાં મોકલશે

યુક્રેનમાં ફસાયેલા 249 વિદ્યાર્થીઓ અને અન્ય ભારતીય નાગરિકોને લઈને એર ઈન્ડિયાની 5મી ફ્લાઈટ આજે સવારે દિલ્હી પહોંચી હતી. રોમાનિયાના બુખારેસ્ટથી એર ઈન્ડિયાની ફ્લાઈટ નંબર AI 1942 સોમવારે સવારે લગભગ 6:30 વાગ્યે દિલ્હીના ઈન્દિરા ગાંધી ઈન્ટરનેશનલ એરપોર્ટ પર લેન્ડ થઈ હતી.યુક્રેનમાં ફસાયેલા ભારતીયોને એરલિફ્ટ કરવા માટે સરકાર દ્વારા ઓપરેશન ગંગા ચલાવવામાં આવી રહ્યું છે. આ અંતર્ગત 4 ફ્લાઈટમાંથી 1,147 લોકોને પહેલેથી જ ભારત લાવવામાં આવ્યા છે. રવિવારે પહોંચેલી 3 ફ્લાઈટમાંથી 928 ભારતીયો વતન પહોંચ્યા હતા.ઓપરેશન ગંગા માટે હવે 4 કેન્દ્રિય પ્રધાનોને યુક્રેનના પાડોશી દેશોમાં મોકલવાનો નિર્ણય લેવામાં આવ્યો છે, જેમાં વી.કે.સિંહ,જ્યોતિરાદિત્ય સિંધિયા,હરદીપ પૂરી અને કિરણ રિજ્જિજુનો સમાવેશ થાય છે