PM મોદી ભુજને આપશે ભેટ, આજે KK પટેલ સુપર સ્પેશિયાલિટી હોસ્પિટલનું કરશે ઉદ્ઘાટન
PM નરેન્દ્ર મોદી આજે ગુજરાતના ભુજને મોટી ભેટ આપવા જઈ રહ્યા છે. મોદી વીડિયો કોન્ફરન્સિંગ દ્વારા ભુજમાં કેકે પટેલ સુપર સ્પેશિયાલિટી હોસ્પિટલનું ઉદ્ઘાટન કરશે
PM નરેન્દ્ર મોદી આજે ગુજરાતના ભુજને મોટી ભેટ આપવા જઈ રહ્યા છે. મોદી વીડિયો કોન્ફરન્સિંગ દ્વારા ભુજમાં કેકે પટેલ સુપર સ્પેશિયાલિટી હોસ્પિટલનું ઉદ્ઘાટન કરશે. આ હોસ્પિટલનું નિર્માણ શ્રી કચ્છી લેવા પટેલ સમાજ દ્વારા કરવામાં આવ્યું છે. વડાપ્રધાન કાર્યાલયના જણાવ્યા અનુસાર, આ 200 બેડ ધરાવતી કચ્છની પ્રથમ ચેરિટેબલ સુપર સ્પેશિયાલિટી હોસ્પિટલ છે.
હોસ્પિટલમાં ઇન્ટરવેન્શનલ કાર્ડિયોલોજી (કેથલેબ), કાર્ડિયોથોરાસિક સર્જરી, રેડિયેશન ઓન્કોલોજી, મેડિકલ ઓન્કોલોજી, સર્જીકલ ઓન્કોલોજી, નેફ્રોલોજી, યુરોલોજી, ન્યુક્લિયર મેડિસિન, ન્યુરો સર્જરી, જોઈન્ટ રિપ્લેસમેન્ટ અને લેબોરેટરી, રેડિયોલોજી જેવી અન્ય આનુષંગિક સેવાઓ જેવી સુવિધાઓ હશે, પીએમએ જણાવ્યું હતું. આ સિવાય પીએમએ કહ્યું કે આ હોસ્પિટલ વિસ્તારના લોકોને સસ્તી કિંમતે સારી સ્વાસ્થ્ય સુવિધાઓ પૂરી પાડશે. બીજી તરફ પીએમ મોદી ગુજરાતના ત્રણ દિવસના પ્રવાસે આવશે. એવું કહેવામાં આવી રહ્યું છે કે પીએમ મોદીની આ મુલાકાત આવતા અઠવાડિયે થશે. આ ઉપરાંત મોદી બનાસકાઠામાં લાખો મહિલાઓને પણ સંબોધિત કરશે. તમને જણાવી દઈએ કે ગુજરાતમાં આ વર્ષના અંત સુધીમાં વિધાનસભાની ચૂંટણી યોજાવાની છે.
