Connect Gujarat
દેશ

ઉત્તરપ્રદેશ: પીલીભીત નજીક પિકઅપ વાન વૃક્ષ સાથે ભટકાતા 10 લોકોના મોત

ઉત્તરપ્રદેશ: પીલીભીત નજીક પિકઅપ વાન વૃક્ષ સાથે ભટકાતા 10 લોકોના મોત
X

ઉત્તર પ્રદેશના પીલીભીતમાં એક ભયાનક માર્ગ અકસ્માતના સમાચાર છે. મળતી માહિતી અનુસાર, હરિદ્વારથી ખોલા જઈ રહેલું પીકઅપ ગાડી ઝાડ સાથે અથડાયું, જેમાં 10 લોકોના મોત થયા. માહિતી મળતા જ જિલ્લાના ઉચ્ચ અધિકારીઓ ઘટનાસ્થળે પહોંચી ગયા છે. ઘાયલોને જિલ્લા હોસ્પિટલમાં મોકલવામાં આવી રહ્યા છે. એવું કહેવામાં આવ્યું હતું કે ડ્રાઇવરે નિદ્રા લેવાના કારણે આ અકસ્માત થયો હતો. મળતી માહિતી મુજબ પીલીભીતના ગજરૌલી પોલીસ સ્ટેશન વિસ્તારમાં એક પીકઅપ વાન ધડાકા ભેર ઝાડ સાથે અથડાઈ હતી.

આ અકસ્માત સવારે 4 વાગ્યાની આસપાસ થયો હતો. પીકઅપ ઝાડ સાથે અથડાયા બાદ પલટી મારી ગઈ હતી. કહેવામાં આવી રહ્યું છે કે ડ્રાઈવરે નિદ્રા લીધી હતી જેના કારણે આ દુર્ઘટના થઈ હતી.આ અકસ્માતમાં 10 લોકોના ઘટનાસ્થળે જ મોત થયા હતા. જ્યારે 6 લોકો ઘાયલ હોવાનું કહેવાય છે. જેમાંથી બેની હાલત ગંભીર છે. અકસ્માતનો ભોગ બનેલા મોટાભાગના લખીમપુર જિલ્લાના રહેવાસી છે, જેઓ હરિદ્વારથી સ્નાન કરીને પરત ફરી રહ્યા હતા. CM યોગી આદિત્યનાથે આ ઘટના પર દુઃખ વ્યક્ત કર્યું છે. તેમણે ટ્વીટ કર્યું કે પીલીભીતમાં માર્ગ અકસ્માતમાં લોકોના મોત ખૂબ જ દુઃખદ છે. રાહત અને બચાવ કામગીરી ઝડપથી હાથ ધરવા અને ઘાયલોને સારવાર આપવા અધિકારીઓને સૂચના આપવામાં આવી છે. ભગવાન શ્રી રામ મૃત આત્માઓને શાંતિ આપે અને ઘાયલોને ઝડપથી સાજા કરે તેવી પ્રાર્થના.

Next Story
Share it