Home > સ્પોર્ટ્સ > ચક દે ઈન્ડિયા: ટોક્યો ઓલોમ્પિકમાં મહિલા હોકી ટીમે ઓસ્ટ્રેલીયા સામે જીત મેળવી સેમિફાયનલમાં પ્રવેશ કર્યો
ચક દે ઈન્ડિયા: ટોક્યો ઓલોમ્પિકમાં મહિલા હોકી ટીમે ઓસ્ટ્રેલીયા સામે જીત મેળવી સેમિફાયનલમાં પ્રવેશ કર્યો
BY Connect Gujarat2 Aug 2021 6:02 AM GMT
X
Connect Gujarat2 Aug 2021 6:02 AM GMT
ટોક્યો ઓલિમ્પિકના 11મા દિવસે ભારતીય મહિલા હોકી ટીમે ઇતિહાસ રચ્યો છે. ટીમ પ્રથમ વખત ઓલિમ્પિકની સેમી-ફાઇનલમાં પહોંચી છે. ભારતે ત્રણ વખતની ઓલિમ્પિક ચેમ્પિયન ઓસ્ટ્રેલિયાને ક્વાર્ટર ફાઇનલમાં 1-0થી હરાવ્યું હતું. ભારતની ગુરજિત કૌરે 22મી મિનિટે ગોલ કરીને ટીમને 1-0ની લીડ અપાવી હતી. તેણે ડાયરેક્ટ ફ્લિકથી ગોલ કર્યો હતો. ઓસ્ટ્રેલિયાએ પ્રથમ વખત ડ્રેગ-ફ્લિકથી ગોલ ગુમાવ્યો હતો.
મહિલા હોકી ટીમે ઐતિહાસિક જીત મેળવતા આખો દેશ ઝૂમી ઉઠ્યો છે. આ અંગે કેન્દ્રિય રમત ગમત પ્રધાન અનુરાગ ઠાકુરે પણ ટ્વિટ કર્યું હતું તેઓએ ટ્વિટમાં જણાવ્યુ હતું કે ભારતનું સ્વપણ હવે સાકાર થઈ રહ્યું છે આપણી હોકી ટીમે શાનદાર જીત મેળવી છે
Next Story