જો ફિટનેસ ટેસ્ટ પાસ નહીં થાય તો ખેલાડીઓનો પગાર કાપવામાં આવશે, એમ પસંદગીકારે કરી હતી જાહેરાત

શ્રીલંકા ક્રિકેટ (SLC) એ ખેલાડીઓ માટે નક્કર અને પર્યાપ્ત ફિટનેસ ટેસ્ટ અપનાવીને સ્વાસ્થ્ય અને ફિટનેસ તરફ એક મોટું પગલું ભર્યું છે. અગાઉ ફેબ્રુઆરી 2021માં, શ્રીલંકા ક્રિકેટ બોર્ડે તમામ રાષ્ટ્રીય ખેલાડીઓના ફિટનેસ સ્તરને ચકાસવા માટે જૂના યો-યો ટેસ્ટની જગ્યાએ '2 કિલોમીટર રન ફિટનેસ ટેસ્ટ' અપનાવી હતી. આ ફિટનેસ ટેસ્ટના આધારે ખેલાડીઓની પસંદગી કરવામાં આવશે.

શ્રીલંકાના ખેલાડીઓએ 2 કિલોમીટરની રેસ 8 મિનિટ અને 35 સેકન્ડમાં પૂરી કરવાની હતી, પરંતુ બાદમાં તેને વધારીને 8 મિનિટ અને 55 સેકન્ડ કરવામાં આવી હતી. તે જ સમયે, હવે શ્રીલંકન ક્રિકેટે તેને 8 મિનિટ 10 સેકન્ડ કરી દીધો છે. બોર્ડનો ઉદ્દેશ્ય આ ફિટનેસ ટેસ્ટનો સમયગાળો ઘટાડવાનો છે. જેથી ખેલાડીઓ તેમની ફિટનેસ પર સખત મહેનત કરે. શ્રીલંકાની ટીમે વર્ષોથી ઘણો સંઘર્ષ કર્યો છે.જો કે વાત એ છે કે જે ખેલાડી આ ટેસ્ટ પાસ કરી શકશે નહીં, તો તેનો પગાર કાપવામાં આવશે. શ્રીલંકના ટીમના પસંદગીકારોના અધ્યક્ષ પ્રમોદ વિક્રમસિંઘેનું માનવું છે કે ખેલાડીઓએ તેમની ફિટનેસ પર સખત મહેનત કરવી જોઈએ, જે તેમને સફળતા હાંસલ કરવામાં મદદ કરશે. ખેલાડીઓ ફિટનેસ પ્રત્યે ગંભીર છે તેની ખાતરી કરવા માટે, જો તેઓ 8 મિનિટ અને 10 સેકન્ડના આપેલા બેન્ચમાર્કમાં ફિટનેસ ટેસ્ટ પૂર્ણ કરવામાં નિષ્ફળ જાય તો SLC ખેલાડીઓના પગારમાંથી ચોક્કસ ટકાવારી કાપશે. પસંદગીકાર પ્રમોદ વિક્રમસિંઘેએ કહ્યું કે "જો કોઈ ખેલાડી ફેબ્રુઆરી 2021માં 8.35 મિનિટમાં 2 કિમી દોડે છે, તો તે હવે તે 8.10 મિનિટથી ઓછા સમયમાં કરી શકશે. અમે ઈચ્છીએ છીએ કે ખેલાડીઓ ખરેખર તેમની ફિટનેસ પર ધ્યાન આપે. સખત મહેનત કરો અને અમે ફિટનેસમાં ક્ષતિઓને સહન કરીશું નહીં." ખેલાડીઓની ચાર ફિટનેસ ટેસ્ટમાંથી પ્રથમ 7 જાન્યુઆરી 2022 ના રોજ લેવામાં આવશે. તમામ કરાર ધરાવતા ખેલાડીઓએ રાષ્ટ્રીય ટીમની પસંદગી માટે લાયક બનવા માટે પરીક્ષા આપવી આવશ્યક છે.