IPL 2022: દીપક ચહરની મુશ્કેલીઓ વધી... ચેન્નાઈ સુપર કિંગ્સને લાગી શકે છે મોટો ઝટકો

IPLમાં સતત 4 મેચ હારી ચૂકેલી ચેન્નાઈ સુપર કિંગ્સ (CSK)ને મોટો ઝટકો લાગી શકે છે. IPLમાં ચેન્નાઈના ફાસ્ટ બોલર દીપક ચહરની વાપસીને લઈને મુશ્કેલીઓ વધી ગઈ છે. હાલમાં નેશનલ ક્રિકેટ એકેડમી (NCA)માં વાપસીની તૈયારી કરી રહેલા દીપક ચહર સમગ્ર IPL સિઝનમાંથી બહાર થઈ શકે છે.

મીડિયા રિપોર્ટ્સ અનુસાર NCAની તૈયારી દરમિયાન દીપક ચહરને પીઠમાં ઈજા થઈ છે. જ્યારે ઈજાની ગંભીરતા બોર્ડ દ્વારા હજુ સુધી નક્કી કરવામાં આવી નથી. હેમસ્ટ્રિંગની ઈજાને પગલે પીઠની ઈજાને દીપકની પુનરાગમનની આશાઓ પર મોટો આંચકો માનવામાં આવે છે. વર્તમાન સિઝનમાં ચેન્નાઈ સુપર કિંગ્સની બોલિંગ મુશ્કેલીનો સામનો કરી રહી છે દીપક ચહરનું સમગ્ર સિઝનમાંથી બહાર થવું ચેન્નાઈ માટે ખૂબ જ ચિંતાનો વિષય હશે. દીપક ચહરને ચેન્નાઈ સુપર કિંગ્સે 14 કરોડમાં ખરીદ્યો હતો.

IPLમાં ચેન્નાઈ સુપર કિંગ્સ સાથે ભારતીય ટીમ મેનેજમેન્ટ પણ દીપક ચહરની ફિટનેસ પર બારીકાઈથી નજર રાખી રહ્યું છે. દીપક ચહર ઓક્ટોબરમાં રમાનારા T20 વર્લ્ડ કપ પહેલા સંપૂર્ણ રીતે ફિટ થઈ જાય ટીમ મેનેજમેન્ટનો આ પ્રયાસ રહેશે. મેગા ઓક્શનમાં શાર્દુલ ઠાકુરને હાર્યા બાદ ચેન્નાઈએ દીપક ચહર પર 14 કરોડ રૂપિયા ખર્ચ્યા હતા. પરંતુ ઈજાના કારણે દીપકનું મેદાનની બહાર રહેવું ચેન્નાઈ માટે ઘણું મોંઘું સાબિત થઈ રહ્યું છે.