માર્ચ અને જુલાઈ વચ્ચે ફરવા માટે મંડુ છે શ્રેષ્ઠ સ્થળ, આ પ્રાચીન શહેરનો નજારો તમને કરી દેશે આશ્ચર્યચકિત
ભારતમાં એવા ઘણા શહેરો છે જે વર્ષો જૂના ઇતિહાસને આવરી લે છે. માંડવ પણ તેમાંથી એક છે. તેને માંડુ તરીકે પણ ઓળખવામાં આવે છે
ભારતમાં એવા ઘણા શહેરો છે જે વર્ષો જૂના ઇતિહાસને આવરી લે છે. માંડવ પણ તેમાંથી એક છે. તેને માંડુ તરીકે પણ ઓળખવામાં આવે છે. માંડુમાં ઘણા જોવાલાયક સ્થળો છે, પરંતુ અહીંનું મુખ્ય આકર્ષણ માંડુનો કિલ્લો છે. માર્ચ અને જુલાઈ વચ્ચેની સિઝનમાં આ શહેરની મુલાકાત લેવાની મજા જ કંઈક અનેરી છે.
માંડુનો કિલ્લો: માંડુ શહેર પશ્ચિમ મધ્ય પ્રદેશના માલવા ક્ષેત્રમાં વિંધ્ય પહાડીઓમાં 2 હજાર ફૂટની ઉંચાઈ પર આવેલું છે. તે રાજા બાઝ બહાદુર અને રાણી રૂપમતીના પ્રેમના સાક્ષી તરીકે ઓળખાય છે. અહીંનો માંડુ કિલ્લો લગભગ 82 કિલોમીટરના વિસ્તારમાં ફેલાયેલો છે. તેને દેશનો સૌથી મોટો કિલ્લો માનવામાં આવે છે.
હિંડોલા મહેલ:
માંડુના હિંડોલા મહેલની દિવાલો થોડી નમેલી છે, જેના કારણે આ મહેલ ઝૂલતો દેખાય છે. તેથી તે હિંડોળા મહેલ તરીકે ઓળખાય છે.
ઈકો પોઈન્ટ:
ખીણો અને ઈકો પોઈન્ટ પણ કુદરતી નજારો પસંદ કરનારા લોકોને આકર્ષે છે. ઈકો પોઈન્ટ પર પહાડો પર ટકરાયા પછી પોતાનો અવાજ સાંભળવાની મજા જ કંઈક અનેરી હોય છે.
ઈન્દોર માંડુથી સૌથી નજીકનું શહેર છે. તમે ફ્લાઇટ, ટ્રેન, બસ અથવા ટેક્સી દ્વારા ઇન્દોર પહોંચી શકો છો. આ પછી તમે ટેક્સી અથવા બસ દ્વારા માંડુ પહોંચી શકો છો. માંડુ ઈન્દોરથી માત્ર 100 કિલોમીટર દૂર છે.
જહાઝ મહેલઃ
એવું કહેવાય છે કે જ્યારે મહેલ બનાવવામાં આવ્યો ત્યારે તેના કિનારે બે તળાવ તૈયાર કરવામાં આવ્યા હતા. વચ્ચે વહાણના આકારનો મહેલ હતો. આવી સ્થિતિમાં, એવું લાગી રહ્યું હતું કે જાણે કોઈ વહાણ પાણીની વચ્ચે તરતું હોય.
