ગુજરાતના મુખ્યમંત્રી ભૂપેન્દ્ર પટેલ પોતાની આગવી શૈલીના કારણે અનેક વાર સોશ્યલ મીડિયામાં ખૂબ ચર્ચાનો વિષય બનતા હોય છે. તેઓ મુખ્યમંત્રી બન્યા તે સમયથી જ તેમની સાદગીની રાજ્યભરમાં ચર્ચા થાય છે ત્યારે આજે ફરી મુખ્યમંત્રી ભૂપેન્દ્ર પટેલે કઈક આવું જ કર્યું છે. વડોદરાની મુલાકાત દરમિયાન CM ભૂપેન્દ્ર પટેલ ઓચિંતા જ એકતાનગર આવી પહોંચ્યા હતા. એકતાનગર ઝૂંપડપટ્ટી વાળા વિસ્તારમાં જઈને લોકો સાથે સામે ચાલીને સંવાદ કર્યો હતો જેનો વીડિયો પણ હાલ વાયરલ થઈ રહ્યો છે.

આ પહેલા પણ મુખ્યમંત્રી ભૂપેન્દ્ર પટેલ ચર્ચામાં આવ્યા હતા જ્યારે બગોદરા હાઇવે પોતાનો કાફલો રોકાવીને એક ઢાબા પર ખાટલા પર ચા પીવા બેઠા હતા. વડોદરા શહેરના આજવા રોડ પર આવેલા એકતાનગરમાં અનેક મુશ્કેલીઓ વચ્ચે લોકો જીવી રહ્યા છે. આ દરમિયાન રાજ્યના મુખ્યમંત્રી આજે સવારે 9:30 વાગ્યે અચાનક જ એકતાનગર ની મુલાકાતે પહોંચ્યા હતા. આમ CMને પોતાના વિસ્તારમાં આવેલા જોઇને સ્થાનિક લોકો અચંબામાં મુકાઇ ગયા હતા.

આ દરમિયાન એક વૃદ્ધ મહિલા સહિત સ્થાનિક લોકોએ પોતાના વિસ્તારની મુશ્કેલી અંગે મુખ્યમંત્રી ભુપેન્દ્ર પટેલને રજૂઆત કરી હતી. મુખ્યમંત્રીએ પણ તેમની મુશ્કેલીઓ દૂર કરવાની હૈયા ધારણા આપી હતી બીજી તરફ રાજકીય અગ્રણીઓ મુખ્યમંત્રીની એકતાનગર ની મુલાકાત અંગે કોઇ ન હોવાનું જાણવા મળ્યું છે. આમ CM(કોમન મેનની જેમ) આજે કોઇને જાણ કર્યા વિના જ વડોદરા એકતાનગરમાં પહોંચી ગયા હતા. જેના પગલે સ્થાનિક લોકોમાં પણ ખુશી જવા મળી હતી.