અમદાવાદમાં ટેન્કર રાજ ! 6 વોર્ડમાં ટેન્કર દ્વારા પુરો પાડવામાં આવી રહ્યો છે પાણી પુરવઠો

અમદાવાદ શહેર 42 ડિગ્રી સેલ્સિયસ તાપમાને ગરમ થઈ રહ્યું છે, ત્યારે AMC મકતમપુરા, બહેરામપુરા, રામોલ, હાથીજણ અને લાંભા વોર્ડ માં ટેન્કર દ્વારા પાણી પૂરું પાડવામાં આવી રહ્યું છે. જ્યારે અમદાવાદ મ્યુનિસિપલ કોર્પોરેશન શહેરમાં 24x7 પાણી પુરવઠાની વાત કરે છે.

ત્યારે સૌથી ખરાબ વાત એ છે કે AMC હાલમાં ઘણા વોર્ડમાં બે કલાક પણ પાણી પુરવઠો પૂરો પાડવા સક્ષમ નથી.કેટલાક મંત્રી એ કહ્યું કે ગુજરાત પાણી સરપ્લસ બની ગયું છે.AMCનો 24 કલાક પાણી પુરવઠાનો દાયકા જૂનો મહત્વાકાંક્ષી પ્રોજેક્ટ સપાટ પડી રહ્યો છે અને રાજ્ય સરકારે વિધાનસભામાં સ્વીકાર્યું હતું કે તેનો પ્રોજેક્ટ સાકાર થયો નથી. આશ્ચર્યની વાત એ છે કે દરેક બજેટમાં AMC મીટર વાળા પાણી પુરવઠાની વાત કરે છે. મીટર વાળુ પાણી આપવાનો પ્રોજેક્ટ 2012 માં આવ્યો હતો. જ્યારે AMC એ હેતુ માટે વિશ્વ બેંક પાસેથી રૂ.3,000 કરોડની લોન લીધી હતી.

તેણે પાણીની ઓડિટ માટે પ્રતિબદ્ધતા દર્શાવી હતી AMC શહેરના 24 વોર્ડમાં બે કલાકથી વધુ, 12 વોર્ડમાં બે કલાક અને શહેરના બાકીના નવ વોર્ડમાં માત્ર દોઢ કલાક પાણી સપ્લાય કરે છે. તાજેતરમાં પૂરા થયેલા વિધાનસભા સત્રમાં AMC દ્વારા આ સત્તાવાર માહિતી આપવામાં આવી છે. પરંતુ આજની તારીખે મકતમપુરા, બહેરામપુરા, રામોલ, હાથીજણ અને લાંભા વોર્ડમાં ટેન્કર દ્વારા પાણી આપવામાં આવે છે. AMC અધિકારી દાવો કરે છે કે કેટલીક જગ્યાએ પાણીનું નેટવર્ક નથી અને અન્ય જગ્યાએ લોકોએ કનેક્શન લીધી નથી. કેટલીક વસાહતો ગેરકાયદેસર રીતે સરકારી અથવા નાગરિક જમીન પર બાંધવામાં આવી છે અને તેથી તેમને પાણી આપી શકાતું નથી.