IPL 2022: છોકરીએ સ્ટેડિયમમાં RCB ફેનને કર્યું પ્રપોઝ, જુઓ વિડિયો

ઈન્ડિયન પ્રીમિયર લીગ (IPL) 2022 સીઝનમાં બુધવારે ચેન્નાઈ સુપર કિંગ્સ (CSK) અને રોયલ ચેલેન્જર્સ બેંગ્લોર (RCB) વચ્ચે રોમાંચક મેચ રમાઈ હતી. મેચની છેલ્લી ઓવર સુધી રોમાંચ ચાલુ રહ્યો અને અંતે બેંગ્લોરની ટીમ 13 રને જીતી ગઈ. આ બધાની વચ્ચે આવી ઘટના કેમેરામાં કેદ થઈ ગઈ, જેણે બધાનું ધ્યાન ખેંચ્યું.

મેચ દરમિયાન ઘૂંટણિયે બેઠેલી એક છોકરીએ RCB ફેન છોકરાને દર્શકો સમક્ષ પ્રપોઝ કર્યું. છોકરાએ હા પાડી તો છોકરીએ પણ તેને વીંટી પહેરાવી. તે પછી બંને એકબીજાને ગળે લગાડી એકબીજાના બની ગયા. આ આખી ઘટના કેમેરામાં કેદ થઈ ગઈ, જેનો વીડિયો પણ વાયરલ થઈ રહ્યો છે.