અંકલેશ્વર : ગડખોલ ગ્રામ પંચાયતના સભ્ય ઉપર હુમલો કરનાર 4 શખ્સો ઝડપાયા...
ભરૂચ જિલ્લાના અંકલેશ્વર શહેરના ગડખોલ ગ્રામ પંચાયતના સભ્ય ઉપર હુમલો કરનાર 4 શખ્સોને પોલીસે ઝડપી પાડ્યા હતા. અંકલેશ્વર : ગડખોલ ગ્રામ પંચાયતના સભ્ય ઉપર હુમલો કરનાર 4 શખ્સો ઝડપાયા...મળતી માહિતી અનુસાર, ગત તા. ૧૮મી માર્ચના રોજ અંકલેશ્વરના ગડખોલ ગામના પીપળી ફળિયામાં રહેતા 38 વર્ષીય જીગ્નેશ પટેલ પાનોલીની ઈશા એગ્રો કંપનીમાંથી ઘરે આવી રહ્યા હતા. તે દરમિયાન પી.આઈ. કંપનીના ગેટ પાસે નંબર પ્લેટ વિનાની કાર કેટલાક શખ્સોએ અચાનક તેઓ પાસે આવી "તું ગડખોલ ગ્રામ પંચાયતમાં અરજી કરી અમારા માણસોને કેમ હેરાન કરે છે" તેમ કહી 4 જેટલા ઈસમોએ હુમલો કરી મારી નાખવાની ધમકી આપી ફરાર થઇ ગયા હતા. મારામારી અંગે તાલુકા પોલીસે ગુનો નોંધી તપાસ હાથ ધરતા રચના નગરમાં રહેતા હુમલાખોર સંજય ભરવાડ, જગદીશ ભરવાડ, અરવિંદ ભરવાડ અને ઉમેદરામ સુથારને ઝડપી ચારેય વિરુદ્ધ કાયદેસરની કાર્યવાહી હાથ ધરી હતી.
