ભરૂચ : આફ્રિકામાં અંડર -19 વેસ્ટ ક્રિકેટ ટુર્નામેન્ટમાં નબીપુરના બે ખેલાડીઓની પસંદગી
BY Connect Gujarat13 Sep 2021 12:38 PM GMT
X
Connect Gujarat13 Sep 2021 12:38 PM GMT
ભરૂચ જિલ્લાના નબીપુર ગામના બે યુવાનોની સાઉથ આફ્રિકા ખાતે રમાતી નોર્થ વેસ્ટ ક્રિકેટ ટુર્નામેન્ટ (NPL)માં પસંદગી થતાં સ્થાનિકોમાં ખુશીનો માહોલ જોવા મળી રહયો છે.
ભરૂચ જિલ્લાના નબીપુર ગામના બે યુવાનો રૈહાન મહમદ કડુજી અને રેહાન દિલાવર નૂનીયા દક્ષિણ આફ્રિકામાં વસવાટ કરે છે. તેઓ હાલ આફ્રિકાના કલાસદ્રોપ ટાઉનમાં રહે છે. બંને યુવાનોએ અભ્યાસની સાથે ક્રિકેટમાં પણ રસ દાખવ્યો છે. તેઓ ક્રિકેટમાં આગળ વધવા માટે રોજની કલાકો સુધી પ્રેકટીસ કરતાં હોય છે.
બંનેની હાલ દ. આફ્રિકામાં રમાતી નોર્થ વેસ્ટ ક્રિકેટ ટૂર્નામેન્ટ NPL અંદર ૧૯ માં ૫૦૦ ખેલાડીઓમાંથી પસંદગી કરાઈ છે. આ બંને યુવાનો ચાલુ સીઝનમાં રમાનારી NPL અંદર ૧૯ ટુર્નામેન્ટમાં ભાગ લેશે. આ બન્ને યુવાનોની પસંદગી થવાથી નબીપુર ગામમાં અને તેમના પરિવારમાં ખૂબજ ખુશીનો માહોલ છે.
Next Story