મોદી સરકાર GSTમાં કરી રહી છે મોટા ફેરફારની તૈયારી, સ્લેબ ઘટશે પણ વધશે દર!
હાલમાં આવી 480 વસ્તુઓ છે જેના પર 18% GST લાગે છે. કુલ GST કલેક્શનમાં આ સેગમેન્ટનો હિસ્સો 70 ટકા છે.
સરકાર મોંઘવારીની અસર પહેલા સામાન્ય માણસ પર ટેક્સનો બોજ વધારી શકે છે. મોદી સરકાર GST (ગુડ્સ એન્ડ સર્વિસ ટેક્સ)ના દરોમાં મોટા ફેરફારની તૈયારી કરી રહી છે. આગામી બે વર્ષમાં ટેક્સની આવક વધારવાની યોજના હેઠળ આવું થઈ શકે છે. જીએસટીના નીચલા સ્લેબના દરમાં વધારો થઈ શકે છે. જ્યારે તેના ચાર સ્લેબનો દર ઘટાડીને ત્રણ કરી શકાય છે. આ ઉપરાંત, વધુ વપરાશ અને આવશ્યક ચીજવસ્તુઓ પર લાગુ પડતા GSTના દરોને તર્કસંગત બનાવવામાં આવશે.
હાલમાં આવી 480 વસ્તુઓ છે જેના પર 18% GST લાગે છે. કુલ GST કલેક્શનમાં આ સેગમેન્ટનો હિસ્સો 70 ટકા છે. હાલમાં, GSTના ચાર સ્લેબ છે - 5 ટકા, 12 ટકા, 18 ટકા અને 28 ટકા. GSTના નીચલા સ્લેબનો દર વધારીને 6-7 ટકા કરવામાં આવી શકે છે. જ્યારે 12 ટકા અને 18 ટકાના સ્લેબને દૂર કરીને તેની જગ્યાએ 15 ટકાનો નવો સ્લેબ લાવી શકાય છે. 28 ટકાના સ્લેબમાં કોઈ ફેરફાર થશે નહીં. GST કાઉન્સિલની આગામી બેઠકમાં આ ફેરબદલને મંજૂરી મળી શકે છે.
એવી ધારણા છે કે મેના ત્રીજા સપ્તાહમાં કાઉન્સિલની બેઠક યોજાઈ શકે છે. GSTના નીચલા સ્લેબને 5 ટકાથી ઘટાડીને 6-7 ટકા અને 12 ટકાથી 15 ટકાના સ્લેબની સીધી અસર સામાન્ય માણસના ખિસ્સા પર પડશે. આ સ્લેબમાં મોટાભાગની ખાદ્ય ચીજો અને દવાઓનો સમાવેશ કરવામાં આવ્યો છે. જો કે, 18 ટકાના સ્લેબને 15 ટકા પર લાવવાથી કેટલીક ચીજવસ્તુઓના ભાવમાં ઘટાડો થવાની શક્યતા છે.