હવે નમો એપ પર યોજાશે 'મોદીનો માસ્ટર ક્લાસ', પરીક્ષા પર ચર્ચાના પ્રશ્નોના મળશે જવાબ

હવે એક્ઝામ વોરિયર્સ (શાળાના બાળકો) વડાપ્રધાન નરેન્દ્ર મોદીના વાર્ષિક 'પરીક્ષા પે ચર્ચા' ના સૂચનો નમો એપ પર મેળવી શકશે. આ માટે એપ પર 'મોદી માસ્ટર ક્લાસ' નામનો એક અલગ વિભાગ આપવામાં આવ્યો છે. વડાપ્રધાન નરેન્દ્ર મોદીએ પોતે શનિવારે "નમો એપ પર ક્યુરેટેડ સેક્શન" પર પરીક્ષા પે ચર્ચાની પાંચમી આવૃત્તિ દરમિયાન વિદ્યાર્થીઓ અને વાલીઓ સાથેની તેમની વાતચીતના અંશો શેર કર્યા હતા.

પીએમ મોદીએ ટ્વિટર પર પણ કહ્યું કે, "મને અમારા ડાયનેમિક એક્ઝામ વોરિયર્સ સાથે વાર્તાલાપ કરવામાં આનંદ આવે છે. પરીક્ષા પે ચર્ચાએ પરીક્ષાઓ અને જીવન સાથે સંકળાયેલા ઘણા મુદ્દાઓ માટેનું લાઇવ પ્લેટફોર્મ છે. નમો એપમાં આ તમામ ક્રિયા પ્રતિક્રિયાઓ મળી શકશે. એપ્લિકેશન વિદ્યાર્થીઓ અને માતાપિતા બંને માટે પરીક્ષા પે ચર્ચા પર એક વિભાગ પ્રદાન કરે છે અને તે હિન્દી અને અંગ્રેજી એમ બે ભાષાઓમાં વાંચી શકાય છે. એપ પર વિદ્યાર્થીઓ માટે 15 વિષયો અને વાલીઓ માટે 7 વિષયો છે. નોંધપાત્ર રીતે, તાજેતરમાં, વડા પ્રધાન મોદીએ 1 એપ્રિલના રોજ રાષ્ટ્રીય રાજધાનીના તાલકટોરા સ્ટેડિયમમાં 'પરીક્ષા પે ચર્ચા' ની પાંચમી આવૃત્તિ દરમિયાન વિશેષ રૂપે વિકલાંગ શાળાના વિદ્યાર્થીઓ સાથે વાર્તાલાપ કર્યો હતો.