માર્ચમાં રિલીઝ થયેલી ફિલ્મ કશ્મીર ફાઈલ્સે બોક્સ ઓફિસ પર ધમાલ મચાવી હતી. કશ્મીરી પંડિતો સાથે થયેલા અત્યાચારો પર બનેલી વિવેક અગ્નિહોત્રીની આ ફિલ્મને દર્શકો તરફથી ખૂબ જ પ્રેમ મળ્યો હતો. સ્મોલ બજેટમાં બનેલી આ ફિલ્મ ધ કશ્મીર ફાઈલ્સએ કમાણીનાં પણ મોટા મોટા રેકોર્ડ્સ તોડ્યા છે. ફિલ્મની આવી સફળતા જોયા બાદ ડાયરેક્ટર વિવેક અગ્નિહોત્રીએ હવે પોતાના નવા પ્રોજેક્ટનું એલાન કર્યું છે. ધ કશ્મીર ફાઈલ્સ બાદ હવે વિવેક રંજન અગ્નિહોત્રી ધ દિલ્લી ફાઈલ્સ બનાવશે. વિવેક રંજન અગ્નિહોત્રીએ ટ્વીટ પર પોતાની નવી ફિલ્મનું એલાન કર્યું છે.

I thank all the people who owned #TheKashmirFiles. For last 4 yrs we worked very hard with utmost honesty & sincerity. I may have spammed your TL but it's important to make people aware of the GENOCIDE & injustice done to Kashmiri Hindus.

It's time for me to work on a new film. pic.twitter.com/ruSdnzRRmP

— Vivek Ranjan Agnihotri (@vivekagnihotri) April 15, 2022

પોતાના ટ્વીટમાં વિવેક અગ્નિહોત્રી લખે છે કે હું કશ્મીર ફાઈલ્સને લઈને લોકોનો આભાર માનું છુ. છેલ્લા ચાર વર્ષથી અમે ખૂબ જ ઈમાનદારી અને ગંભીરતાથી આ ફિલ્મ પાછળ મહેનત કરી છે. કશ્મીરી પંડિતો સાથે થયેલા અત્યાચાર અને તેમના નરસંહારને લઈને લોકોમાં જાગરૂકતા લાવવી જરૂરી હતી. હવે આ સમય મારા માટે નવી ફિલ્મ પર કામ કરવાનો છે. તમને જણાવી દઈએ કે 11 માર્ચે 'ધ કાશ્મીર ફાઈલ્સ' રિલીઝ થઈ હતી. આ ફિલ્મનું ડાયરેક્શન વિવેક અગ્નિહોત્રીએ કર્યુ હતું. વિવેક અગ્નિહોત્રી દ્વારા ડાયરેક્ટ કરવામાં આવેલી આ ફિલ્મનું નિર્માણ અભિષેક અગ્રવાલ અને પલ્લવી જોશીના પ્રોડક્શન હાઉસના બેનરમાં થયું હતું.