શિયાળામાં ત્વચાને કરે છે મોઇશ્ચરાઇઝ આ ઓલિવ ઓઇલ, જાણો તેનો ઉપયોગ કેવી રીતે કરવો

શિયાળામાં ડ્રાય સ્કિનની સમસ્યા ખૂબ જ પરેશાન કરતી હોય છે, આ સિઝનમાં કેમિકલ બેઝ સોપ અને પ્રદૂષણની અસર ત્વચા પર ઠંડા પવનની સાથે સ્પષ્ટપણે જોવા મળે છે. આવી સ્થિતિમાં ત્વચા શુષ્ક અને નિર્જીવ દેખાવા લાગે છે. શિયાળામાં ત્વચાને મોઈશ્ચરાઈઝ રાખવા માટે આપણે મોઈશ્ચરાઈઝરનો ઉપયોગ કરીએ છીએ, જેની અસર ત્વચા પર બહુ ઓછા સમય માટે રહે છે.

જો તમે પણ શુષ્ક ત્વચાથી પરેશાન છો તો ઓલિવ ઓઈલનો ઉપયોગ કરો. ઓલિવ ઓઈલ ત્વચાને સ્વસ્થ રાખે છે, સાથે જ ત્વચાને મોઈશ્ચરાઈઝ પણ કરે છે. ઓલિવ ઓઈલમાં વિટામિન A, D, E અને વિટામિન K હોય છે જે ત્વચાને અંદરથી પોષણ આપે છે અને ત્વચાને મોઈશ્ચરાઈઝ કરે છે.

ઓલિવ ઓઈલ એન્ટીઓક્સીડેન્ટથી પણ ભરપૂર છે, મુખ્યત્વે પોલીફીનોલ્સ, વિટામીન ઈ, સિટોસ્ટેરોલ, ટાયરોસોલ, ઓલીઓકેન્થોલ વગેરે સક્રિય એન્ટીઓક્સીડેન્ટ તરીકે જોવા મળે છે. શિયાળામાં રાત્રે સૂતા પહેલા ઘણા ગુણોથી ભરપૂર ઓલિવ ઓઈલથી ત્વચા પર માલિશ કરવાથી ત્વચાને ઘણો ફાયદો થાય છે. ત્વચાને મોઇશ્ચરાઇઝ કરવાની સાથે ઓલિવ ઓઇલ ત્વચામાં ગ્લો પણ લાવે છે. તો ચાલો જાણીએ ત્વચા પર ઓલિવ ઓઈલનો ઉપયોગ કેવી રીતે કરવો.

જો તમે ચહેરા પર ઓલિવ ઓઈલ લગાવી રહ્યા છો તો આ તેલમાં થોડું નારિયેળનું તેલ મિક્સ કરીને તેનો ઉપયોગ કરો. જો તમે ઈચ્છો તો સારા મોઈશ્ચરાઈઝરમાં ઓલિવ ઓઈલ મિક્સ કરીને મસાજ કરી શકો છો.

સરસવના તેલ સાથે ઓલિવ તેલનો ઉપયોગ કરવાથી તેના ફાયદાઓ પણ વધી જાય છે. ઓલિવ ઓઈલ અને સરસવનું તેલ ત્વચાને અંદરથી મોઈશ્ચરાઈઝ કરે છે. તમે એક ચમચી સરસવના તેલનો ઉપયોગ 2 ચમચી ઓલિવ તેલ સાથે કરી શકો છો.