અંકલેશ્વર: ગોલ્ડનબ્રિજ નજીક ભાઈની નજર સામે  નર્મદા નદીમાં તણાય જનાર યુવતીનો બીજા દિવસે મળ્યો મૃતદેહ

અંકલેશ્વરના કોવિડ સ્મશાન નજીક નર્મદા નદીમાં નાહવા પડેલ ભાઈ બહેન પૈકી બહેન ભાઈની નજર સામે નદીના પાણીમાં તણાઈ જનાર યુવતીનો બીજા દિવસે મૃતદેહ નદીમાંથી જ મળી આવ્યો હતો.

અંકલેશ્વરના ગડખોલ પાટિયા વિસ્તારમાં આવેલ જલારામ સોસાયટીમાં રહેતા 22 વર્ષીય મધુ દીપુ સિંહ તેના ભાઈ સાથે ગોલ્ડન બ્રિજના અંકલેશ્વર તરફ કોવિડ સ્મશાન નજીક નર્મદા નદીમાં નાહવા માટે ગયા હતા. ભાઈ બહેન નદીમાં નાહી રહ્યા હતા તે દરમિયાન બહેન અચાનક જ નદીના પાણીમાં તણાય ગઈ હતી જેના પગલે સામાજિક કાર્યકર ધર્મેશ સોલંકી અને તેમની ટીમ તેમજ ફાયર વિભાગે યુવતીની શોધખોળ શરૂ કરી હતી ત્યારે બીજા દિવસે નદીમાંથી યુવતીનો મૃતદેહ મળી આવ્યો હતો.બનાવની જાણ થતા જ બી ડિવિઝન પોલીસનો કાફલો ઘટના સ્થળે દોડી આવ્યો હતો અને મૃતદેહને પોસ્ટમોર્ટમ અર્થે ખસેડી વધુ તપાસ હાથ ધરી છે. મૃતક મધુ સિંહના 2 વર્ષ પૂર્વે જ લગ્ન થયા હતા ત્યારે નર્મદા નદીમાં નહાવા જતા તેનું અકાળે મોત નિપજ્યું હતું.