અંકલેશ્વરૂના ભડકોદ્રા ગામની શિવમ પાર્કમાં રહેતા ૧૯ વર્ષિય યુવકે કોઇક કારણોસર ગળે ફાંસો ખાઈને જીવતર ટુંકાવી લીધુ હતુ

પ્રાપ્ત પોલીસ સુત્રિય માહિતી અનુસાર અંકલેશ્વરના ભડકોદ્રા ગામની શિવમ પાર્કમાં પોતાના રૂમ પાર્ટનરો સાથે રહેતા મૂળ જુનાગઢ જીલ્લાનાં વિસાવદર તાલુકાનાં ૧૯ વર્ષિય માલવીયા રાજન જાદવભાઇનાઓ ઈટીપીમાં કોન્ટ્રકટ હેઠળ કામ કરતા હતા, તા- ૨૫મીની મોડી સાંજે તેઓએ ઘરમાં એકલતાનો લાભ લઇ સિલિંગ ફેન પર સાલનો ફંદો બનાવી ગળે ફાંસો ખાઇને આપઘાત કરી લીધો હતો.

સાંજે જ્યારે તેઓનાં રૂમ પાર્ટનર ઘરે પરત ફરતા ઘરનો દરવાજાની ડોરબેલ વારંવાર વગાડવા છતાં નહીં ખુલતા તેઓએ દરવાજો તોડીને ઘરમાં પ્રવેશ્યા હતા, જ્યાં માલવીયા રાજેશનો મૃતદેહ લટકતો જોતા તેઓ સ્તબ્ધ થઈ ગયા હતા અને પ્રથમ ૧૦૮ ત્યારબાદ જીઆઈડીસીને જાણ કરતા પોલીસ કાફલો ઘટના સ્થળ પર દોડી આવ્યો હતો અને માલવીયા રાજેશનો મૃતદેહ પોસ્ટ મોર્ટમ અર્થે ખસેડી તેઓનાં આપઘાત પાછળનું સાચુ કારણ જાણવાની કવાયત હાથ ધરી હતી.